一坐就扁嘅塗鴉傢俱？！

小朋友初初拎起支筆學畫畫果陣，一定會亂咁塗鴉然後講「呢個係媽媽」、「呢個係爸爸」、「呢張係枱」、「呢個係花花」等等嘅說話，但係如果有一日，呢啲小朋友畫嘅野全部出現喺現實當中，你會唔會覺得好得意？你又敢唔敢坐呢？

 

 

東京藝術大學設計作品展中，學生 Daigo Fukawa 就將類似塗鴉嘅概念真正設計成傢俱，並且命名為「草圖傢俱」，呢啲傢俱就咁睇好似只係一堆十分粗糙嘅草圖，等到真係實際坐落下果陣，先發現原來咁唔符合邏輯嘅設計畫法都係可以成為傢俱嘅靈感，雖然唔知道坐落去會唔會唔舒服，但係視覺嘅張力的確非常誇張。

 

呢一類作品放係屋企入面一定會變為成間屋最特別嘅傢俱，但我覺得唔好用黎送比人好啲啦，一陣人地唔敢坐又或者話啲作品整花屋企地板都唔知點算好。

Comments

comments

Powered by Facebook Comments