卡樂B藍莓乳酪味Corn-it 秋季限定

卡樂B Corn-it繼早前推出菠蘿味之後，近日又出咗另一款非常清新嘅口味，健康嘅藍莓乳酪mix埋香脆粟米條，炮製出令人意想不到嘅新驚喜！

今個秋季，卡樂B推出限定藍莓乳酪味及芝士煙肉味Corn-it，前者創新，後者夠經典。

香甜嘅藍莓乳酪，口味清新，剛好中和粟米條所帶嚟嘅負擔，加上以不經油炸嘅方式焗製，比起一般嘅零食更加之健康，食多幾條都唔過份。

芝士同煙肉簡直就係完美嘅組合！濃香嘅芝士，配上惹味嘅煙肉，爆發雙重滋味，令人忍唔住一口接一口，味道鹹鹹香香，最啱送酒。

新口味於各大超級市場、便利店及零售店有售，期間限定。

Comments

comments

Powered by Facebook Comments