來自太空 4D喇叭

一般買喇叭都係睇啲聲靚唔靚、個外型夠唔夠時尚、會唔會佔好多空間，特別香港地少空間細，所以不少便攜式嘅小型喇叭愈嚟愈受歡迎。又要聽得、玩得又睇得，可以一次過滿足你到三個願望，相信DOSS嘅喇叭會吸引到你！

DOSS一直以嚟都鐘意玩設計，每款喇叭都會令你驚喜十足。今日介紹DOSS Asimon X1同Alonso A5比大家認識一下。

未聽佢把聲一睇就已經深深吸引住你嘅Asimom X1，以英文字母”X”為外型，中間仲有個風扇仔，就算未試都想像到佢唔只係得聽歌咁簡單。咪睇佢得個樣，就算開到最大聲都唔會話有拆聲，尤其你鐘情低音Base嘅話，佢強勁嘅低音會嚇你一跳。

當你開機嘅時候，原來前板面有LED燈效。Asimon X1內置咗48顆LED燈，主要以紅、藍、綠、黃、紫、白色為主，並因應不同聲效組合出1600萬多種燈光效果。

號稱為手機遊戲而生的Asimom X1有個＂電影遊戲模式＂，開咗之後中間個風扇仔就會因應不同嘅場境轉動，就例如：高速賽車、爆炸模式等等，而更驚喜嘅係原來Asimom X1內置埋一個震動摩打，所以風扇仔轉嘅同時都會震！今次呢個可以稱得上4D享受，真係聽得、玩得又睇得！

另一個型號Alonso A5以太空返回艙做主題，唔知有冇受到”都教授”影響呢？圓錐型嘅喇叭用咗航空級金屬材料，經三十六個工序處理打造，令金屬嘅毛刺的表面變得平滑、就算時間用耐咗都唔會有金屬銹味。

睇佢比Asimom X1更細，但就有72顆LED燈喺入面！不愧來自星星的它，喺黑暗嘅地方，炫彩效果更吸引人。有四個炫彩彩模式可以揀，除了基本嘅變色同跳躍外，其中螺旋式由低至高不停地循環轉換各種顏色，就如倒轉嘅陀螺般；而遊走式就像一片彩色嘅海洋，各種顏色自由遊動，實行將72顆LED發揮得淋漓盡致。

以上兩個型態都可以利用藍芽連接，方便到大家無駒無束地多種享受音樂的快感。

comments

PUFF.HK 流行食玩樂資訊媒體