大勢!!!虛擬人物ANNA喇叭

音樂可以治療人心，所以好多時我地唔開心又或者悶悶地既時候都會聽歌，一黎係想放鬆心情，二黎係想利用音樂舒緩下唔開心既感覺，但係始終一個人聽歌都幾淒涼，有冇諗過如果有人陪就好啦…呢款特殊既喇叭就適合你啦~咁但係有幾特殊?佢就係當你播放音樂既同時，螢幕會顯示一個馬尾女孩既身影，而且頭戴耳機坐係角落，彷彿真係陪你一齊聽音樂咁！

由韓國設計師 Woohyeok Jeong 設計，名為『Anna』既概念式喇叭，係一個 L 型裝置，方型既螢幕就好似一扇窗，當你將播放裝置接上喇叭既時候，Anna 就會行入呢扇窗既視野內，坐係角落陪你一齊聽音樂。而家虛擬人物已經係大勢所趨，好似日本既初音未來，受歡迎程度直情係爆燈，所以話虛擬人物係現階段真係有市場嫁!

 Woohyeok Jeong 認為，透過模擬”陪伴”既動作，可以讓人達到心情平靜既效果，而螢幕中既 Anna 唔只係坐係角落發呆、佢仲會隨著旋律輕輕打著節拍，彷彿真係有個人同你聽同一首歌、感受同樣既心情。

 

關於 Anna 呢個虛擬人物既設計，Woohyeok Jeong 都有一套想法，佢選用馬尾女孩既身影，代表著一種沒有壓力既存在，透過霧面玻璃呈現出既剪影，營造出適度既私人空間，並刻意讓她靠在牆邊聽音樂、盯著自己既腳尖，同現實中既人幾乎沒有任何交流，彷彿你地只是剛好聽著同樣既曲子、有同樣既音樂喜好，透過視覺帶黎呢種微妙既情緒，係 Woohyeok Jeong 對於『聽音樂』呢個行為既另一種詮釋。

 

資料來源: http://www.woohyeok.com/Anna

Comments

comments

Powered by Facebook Comments