免費Apps大放送!Fail Hard《雜技電單車》

免費Apps大放送!Fail Hard《雜技電單車》

唔知大家又有冇睇過外國嘅花式電單車表演呢?現場嘅相信冇咩人會睇過,但電視上應該都見唔少啦!認真叫你控制架電單車喺空中飛嚟飛去你都唔制啦,咁不如就等Fail Hard《雜技電單車》嘅雜技人表演比你睇點趺法點飛先係最型啦!

 

 

 

呢隻Game係以第三身角度去玩,從而去控制佢去做各種花式動作,雖然玩法唔會比得上第一身視角咁緊張刺激,但呢隻Game勝在風格夠特別,唔會緊張之外休閒味亦十足。

228-560x420

首先,要幫佢買架靚仔啲嘅電單車…呃…一開始嘅錢唔夠,所以你得一個選擇,如果想要更加好嘅車就麻煩自己刷多幾關啦!

 

如果唔想換車,亦都可以拎啲錢嚟幫架車升級,相對黎講遊戲嘅耐玩性提高左唔少;控制方面非常簡單,只需要控制開車、停車同跳起就得!

417-560x420

不過成隻Game最大特別並唔係要睇你點拎晒三星過開,即使你拎到滿分亦都唔會比你過關住!咁應該點?就係將特技人玩弄致死先過到關啦~仲要係死得越慘越高分!(佢跌親仲會有笑聲同呻吟聲添架,用嚟發洩一流~!)

324-560x420

遊戲每關三個回合,如果在第一個回合就拿到三星評價,將得到另外的獎勵,一開始仲以為是喺有三條命呢,跌倒3次就得進醫院添。跌倒唔怕,爬起身又係一條好漢,再接再厲啦!

唔似得競技遊戲咁緊張刺激,又唔需要過多嘅技術要求,只係好純粹咁玩雜技,如果鍾意運動類型遊戲嘅話,不妨入手Fail Hard《雜技電單車》!

QR

Comments

comments

Powered by Facebook Comments