免費Apps大放送！World War Z《殭屍世界大戰》！

而家個個出街都機不離手，唔係手提電話就係iPad果啲，講真而家同我講開電腦打機我都會覺得麻煩啦，有玩開喪屍Game嘅你又會覺得款款都大同小異，想唔想喺iPad上玩款真係可以令你驚到叫嘅呢？由電影制作方和Phosphor Games聯合開發的遊戲——World War Z《殭屍​世界大戰》就一定幫到你啦！

 

World War Z《殭屍​世界大戰》係以2013年6月21日在美國上映的一部電影殭屍為題材嘅射擊遊戲，而遊戲旨在令玩家體驗到喪屍排山倒海壓過嚟嘅震撼場面同緊張到極致嘅恐怖氣氛。

《殭屍世界大戰》採用左虛幻引擎，畫質比較精致，尤其係某啲細節做得好突出！喺某些場景入面，移動角色視角果陣，炫目陽光產生嘅光暈甚至會突然閃一閃你，真實到極！遊戲成功制造左攝人心魄嘅緊張氣氛，而突然唔知喺邊到衝出嚟嘅喪屍有時真係會嚇你一跳，由頭到尾你都要提心吊膽咁進行探索！

除左打喪屍，遊戲解謎探索要素亦都係一大亮點，雖然難度唔高，但係要求你非常細心，要留意一切將來可能會用到嘅線索，例如下圖中呢串數字，就係用嚟打開電梯門嘅密碼，唔夠細致的話，分分鐘會在探索中遇到瓶頸位架！

《殭屍世界大戰》而家免費下載中，鐘意屍題材嘅玩家千其唔好錯過啦！

Comments

comments

Powered by Facebook Comments