叉電啫 洗乜搵電制?

宜家個個都講緊有機耕種、有機食品能夠減少對環境嘅破壞，又可提供更健康無添加嘅食物。不過有一種有機發電你又聽過未呢?平日我哋用嘅電都係由化石燃料推動渦輪而生產的，但原來我哋都可以喺植物身上進行有機發電。Microsoft公司早兩日就喺倫敦用有機電示範點樣幫手提電話叉電!

首先講下植物係點樣發電先。大家都知道綠色嘅植物喺陽光之下會進行光合作用，將水、陽光、二氧化碳轉化成碳水化合物、氧氣、水，相信大家都唔陌生。

12H2O + 6CO2 +陽光→ (與葉綠素產生化學作用); C6H12O6 (葡萄糖) + 6O2 + 6H2O

但原來過程中氫原子會被分解再合成，成為其他產物。當中氫原子中嘅正負電子喺被分解時，就會自由釋放並儲存於葉片、果實等哋方，使植物能提供電力。

 

 

 

 

 

 

 

當然，一顆植物所生產和儲存嘅電力與其體積大細都有關，所以電力有限。

Microsoft喺倫敦嘅示範當中，就用左800個蘋果同薯仔幫Nokia Lumia 930叉電。呢一個方法的確係幾環保，唔會出現溫室氣體之餘，啲蘋果同薯仔都可以食得番，完全符合有機發電嘅原則。不過，每次都要用成800個生果先可以叉到一次電會唔會有少少誇張呢?

 

 

 

 

 

 

 

 

 

 

 

 

 

 

 

 

雖然用呢個方法去獲取電力係一件不可實行嘅事，但呢一個活動的而且確令大家了解多啲大自然界嘅奇妙，你又有無對有機呢個詞語有新嘅睇法呢?

Ref:http://www.newmobilelife.com/2014/07/27/800-potatoes-and-apples-were-used-charge/

Comments

comments

Powered by Facebook Comments