重口味?!驚嚇版之人型手機

一開始我以為人型手機只會係漫畫出現，估唔到而家真係出左一款現實版既人型手機 !!!但見到佢既樣，唔知你會唔會真係拎佢出街用呢?因為佢全身白色，對眼又好恐怖咁望住你，諗起就心寒啦~

 

日本開發左一款外殼同形狀都類似人類皮膚既「人型手機」，主要希望藉此能夠比使用者同電話另一端既人更親近，研究人員仲表示，因為使用者係使用呢款手機既時候，會隱約感覺到另一端講電話既人活生生咁就在眼前。

呢款手機長約20厘米，外觀酷似人形， 表面上為白色既氨基甲酸酯合成橡膠， 所以摸起黎會覺得似人類真實肌膚一樣柔軟，而且人型手機頭部裝左揚聲器，胸部就安裝一個發光二極體，用既時候，呢個二極體會發出藍光，待機就發出紅光。

而呢款「人型手機」既人體形狀係冇性別之分，並希望呢款手機能夠係5年內量化生產，並增加圖像同語音辨識功能。

「人型手機」，唔只外型生得似人，材質都好似人體皮膚既觸感，等使用者講電話，比較像在跟人講話， 研發單位希望，人形手機可以改變人類通話模式。大阪大學教授石黑浩：「拿在手中，玩偶仲會發出聲音黎，可以由手中感覺到聲音主人既存在。」

人形玩偶，其實唔只係娃娃，仲係一台手機，日本電話公司和機器人研究機構合作，開發出全球第一台人形手機，呢台手機外殼用既係接近人皮觸感的材質，未來仲會裝上眼睛、嘴巴同增加手部動作，講電話既時候可以感覺到更多「人味」。

 

但我就覺得未來既手機應該唔需要對住手機講野~因為好可能只要打個電話，就可以見到個真人係你面前啦~

Comments

comments

Powered by Facebook Comments