360小保安！智能巡邏＋零死角監控

屋企真係最安全嘅地方？水浸、火燭、有賊入屋、寵物搗亂，呢啲事情通通都有可能發生，唔怕一萬，最怕萬一，唔通真係要請個保安看門口？

D706智能攝影機係你最信得過嘅小保安，比一般監控鏡頭更加聰明，零盲點嘅設計除咗識得360度水平轉動之外，亦支援260度嘅垂直俯仰，就算有蒼蠅係佢頭頂飛過，都一樣走唔甩，金睛火眼昅實上下、左右、前後嘅環境，每隔50度就會定拍10秒，天羅地網式嘅監控確保無任何漏網之魚。

另外，用戶可以自定幾處唔同嘅地方，只要喺手機一click，鏡頭就會馬上留意嗰個位置，有咩風吹草動都能夠即時發現。D706仲會跟住預設好嘅巡邏路線，逐點來回監視，24小時不眠不休，就算出遠門都無有怕，而且能夠自動追蹤鏡頭前活動嘅人物或者貓貓狗狗，呢個功能對於作為「奴才」嘅主人嚟講，實在太方便！

屋企嘅一舉一動，除咗使用者有權睇到之外，其他人經過授權一樣睇到，多個人多雙眼，萬一自己唔得閒，以防有事發生，都可以搵家人或朋友幫手睇住。至於有咩人睇過？幾時睇過？所有嘢都有晒記錄，唔驚私隱無保障。

如果返到屋企唔想好似坐監一樣，畀人望到實一實，將鏡頭設定為隱藏，屋企馬上變回你嘅私人空間。

360 D706雲台版智能攝影機 售價為HK＄668。

Comments

comments

Powered by Facebook Comments