日本必買手信 番薯味潤唇膏?

日本必買手信 番薯味潤唇膏?

每次去旅行,要諗買咩手信就最頭痕,唔想洗咁多錢,但又怕人哋覺得你Hea佢?如果你咁啱諗住去日本,呢款潤唇膏就啱晒你買嚟做手信,有爆谷味、熱香餅味,仲有番薯味,夠晒過癮,最重要係價錢唔貴!

delicious_lip_kikakusho

チョコミント企画書0325

潤唇膏嚟嚟去去都係生果味,無嘜特別,不過日本Pure Smile推出咗一系列食物味道嘅潤唇膏,就連個包裝都吸引過人。其實呢個牌子之前都有出開啲得意野,好似藝伎面膜、唔同味道嘅唇膜等,都應該有唔少人買過嚟做手信。而今次呢款潤唇膏一共有7種口味,包括甜到漏嘅爆谷、熱香餅、薄荷朱古力雪糕、麵包、粟米湯、蘋果批同蕃薯,諗起都流晒口水,搽上嘴之後應該會忍唔住「lam」返幾啖。驚中伏可以揀薄荷朱古力雪糕味,如果想玩野啲,其實番薯味都算係幾另類,而且價錢仲好平,大約四十蚊港紙一枝,買一打做手信都唔肉赤!

lipstick03

資料來源:puresmile

Comments

comments

Powered by Facebook Comments