PUFF.HK 流行食玩樂資訊媒體
下個月就係情人節，點過先至最浪漫？同情人手牽手漫遊光影桃花隧道，用愛情鎖許下愛的承諾，再喺巨型心形燭光包圍之下欣賞沙灘夜景，係咪好冧呢？
今年情人節貼近農曆新年，愉景灣特別用上桃花做主題，以西方花藝形式設計出極富浪漫嘅場景佈置。位於D’Deck嘅粉紅桃花亭台，以柔和嘅星燈點綴，喺夜色嘅襯托下，顯得格外璀璨。同情人置身光影桃花隧道之中，氣氛更加夢幻迷人。
情約二月‧緣牽中西
日期：1 月 29 日至 3 月 4 日
地點：愉景灣D’Deck及愉景北商場
情人節最想收到咩禮物？會唔會係另一半嘅「愛的承諾」？大日子當前，愉景灣將情侶必到嘅心鎖長廊重新粉飾，加入桃花及牡丹等元素，頓時添上咗濃厚嘅節日氣氛，除咗好適合同情人漫步之外，趁機掛上愛情鎖，向另一半許下愛的承諾，對方一定好受落。活動推廣期間，只要喺香港愉景灣Facebook留言，就可以免費換領愛情鎖。數量有限，換完即止。
愛情鎖換領詳情
日期：2 月 10 日至 2 月 14 日 (星期六至三)
時間：下午 2 時 30 分至晚上 11 時正
地點：愉景北商場鐘樓前心鎖換領處
每年情人節，大白灣沙灘都會點起一個又一個嘅巨型心形燭光，超級浪漫，今年亦都唔例外。同情人坐喺沙灘上面，你挨住我，我挨住你咁，望住醉人嘅夜景，極之有情調。
沙灘巨型心形燭光活動
日期：2 月 14 日（星期三）
時間：下午 6 時至晚上 11 時
地點：愉景灣大白灣沙灘
收費：免費入場
Comments
Powered by Facebook Comments
