真無線耳機Here One 點降噪法 自己揀!

真無線耳機Here One 點降噪法 自己揀!

近呢一兩年,真無線耳機愈出愈有,最近又多個新選擇,就係由Doppler Labs推出嘅Here One。佢嘅賣點除咗靚聲之外,最特別就係內置咗智能化嘅降噪功能,唔會一味cut晒所有環境聲,而係有得畀你揀!

here_one02

 

here_one01

揀耳機最緊要係咩?當然係要靚聲啦!Here One就講到明佢唔係一款普通嘅耳機,而係高智能嘅聽覺系統。呢款耳機採用咗高保真度嘅平衡電樞式動鐵單元,能提供更好嘅解析力,細節豐富,帶嚟清晰音質,加上透過近磁場感應技術連接耳機,兩邊耳機能同時接收音頻訊號,確保睇片嗰陣聲話同步,唔會對唔切口形。

here_one04

here_one05

坊間唔少真無線耳機都具備降噪功能,Here One亦唔例外,不過佢特別就特別在有幾種程度畀你揀,耳機內置3個麥克風及數碼處理器,配合埋專屬嘅手機App,你就可以選擇性地提高、減少或消除環境聲音,而且仲有多款噪音過濾模式提供,適用於飛機及辦公室等環境,無論你去到邊都能夠好好享受音樂,唔怕受到外界騷擾。

here_one03

耳機體積輕巧,每隻只重6g,設計較為簡約,有黑、白兩種顏色選擇。機身設有輕觸功能,輕輕一按就能接聽來電、控制音樂播放;點擊兩吓則能啟動Siri或Google語音,操作非常方便。Here One符合IPX5防水級別,防雨兼防汗。耳機電力足夠連續用2小時,另配備便攜叉電盒,可以為耳機額外充電3次。

Doppler Labs Here One無線藍牙耳機將於六月中旬起在各大零售商有售,或即日起於truewireless.hk 預訂,價錢為HK$2,398。

Comments

comments

Powered by Facebook Comments