恨到喇！Fujifilm快將推正方形即影即有

想買即影即有相機嘅朋友暫且忍吓手先，等埋Fujifilm  Square SQ10推出再諗都未遲，因為呢部新機實在太吸引，唔單止數碼操作夠方便，最正之處係影到正方形相，直接印出嚟又得，up上Instagram都得！

講抵玩，Fujifilm 旗下嘅即影即有相機的確係幾划算，但就略嫌影唔到好有藝術感嘅相，不過嚟緊推出嘅Instax SQUARE SQ10應該幾令人期待，因為賣點係可以列印到1:1比例嘅正方形相( 終於畀小編恨到 )。

加上佢係一部數碼即影即有相機，機身設有3吋LCD螢幕及多個操作按鈕，喺列印前可以先進行預覽及編輯，有得調整曝光、暗角等程度，甚至加入濾鏡，能做出多種相片效果，揀啱相先再印出嚟，咁就唔洗驚浪費晒啲相紙，呢個設計真係好貼心。另外亦可以將相儲存喺microSD 記憶卡，方便之後上載返上Instagram同人分享。

Comments

comments

Powered by Facebook Comments