6.3吋大芒! Galaxy Note 8歷代最寬闊

6.3吋大芒! Galaxy Note 8歷代最寬闊

又到新一代Galaxy Note出場!呢次Note 8擁有6.3吋巨無霸屏幕,加埋窄身嘅設計,完全體現得到無邊框嘅嗰種寬闊感,相機方面更首次用上雙鏡頭,為Note嘅用戶帶嚟前所未有嘅拍攝體驗。

Note8_03

喺咁多款Galaxy Note之中,Note8個芒最寬闊,足足有6.3吋,嬴晒之前嗰幾代,畫面夠晒大,無論上網定Check文件,一眼睇晒,唔使碌嚟碌去。今次手機仲新增咗App Pair功能,能夠將兩個應用程式綁埋一齊,用嘅時候可以同時開晒兩個App,以後同朋友chat住煲劇,又或者邊睇戲邊做其他野都勁方便!

Note8_01

至於加強版嘅S Pen亦帶嚟好多好處,除咗擁有幼細嘅筆尖及經改良嘅壓力感應,用起上嚟更得心應手之外,仲支援Live Message,能夠創作並分享GIF文字及圖案。另外,手機喺唔使解鎖嘅情況下,S Pen一樣可以喺屏幕上直接mark低及編輯多達100頁嘅筆記,而佢嘅翻譯功能亦都應付到71種語言,並支援即時轉換單位同外幣,上外國網站嗰陣就最幫到手。

Note8_02

相機可能從來都唔係Galaxy Note嘅最大賣點,不過Note8卻有啲唔同,佢採用雙主鏡頭設計,分別配備同樣1,200萬像素、光學防震(OIS)技術嘅廣角及遠攝鏡頭,廣角鏡頭設有雙像素傳感器技術同快速自動對焦,即使喺低光環境下,拍出嚟嘅相片依然清晰銳利。用戶可以透過Live Focus功能,調較散景效果,控制影像景深,而手機嘅雙影像模式,更能夠同時拍低遠景同近景兩張相,方便用戶揀選啱心水相片。
Galaxy Note 8 將於九月中旬推出,有星夜黑、霧月灰、楓木金及深海藍四種顏色選擇。

Comments

comments

Powered by Facebook Comments