宣萱肌膚十年如一日 凍齡秘密係？

一個不懂撒嬌嘅女人，未必得到男人嘅歡心；但一個懂得護膚嘅女人，就個個男人都鍾意。最佳人辦「Mall姐」宣萱肌膚十年如一日，Keep住白滑細緻，到底佢嘅凍齡秘密係咩？

早前，宣萱應邀出席Guerlain法國嬌蘭新品發布活動，大談護膚之道。

邊個話歲月不饒人？年屆47歲嘅美魔女宣萱，喺高清鏡頭底下，依然明艷照人，完全察覺唔到歲月嘅痕跡。佢嘅秘密在於「勤力」兩個字，果然天下沒有醜嘅女人，只有懶嘅女人。另外佢又表示用啱產品好重要，會因應天氣而選擇唔同厚薄嘅護膚品，「Guerlain法國嬌蘭全新御庭蘭花眼唇再造修護霜可以因應時間自動為肌膚提供唔同需要，係一個好smart嘅產品！」

護膚唔係一天兩天嘅事，同宣萱嘅演技一樣，都係需要用時間用心機「浸」出嚟，「其實護膚上我比較簡單，注重清潔同長期保養，因為皮膚真係需要呼吸。而且我唔係追求即時效果，而係長遠投資，追尋一種健康嘅肌膚，慢慢健全地重建肌膚屏障，令肌膚有能力抵禦外來物，維持健康狀態。」

問到最注意臉上邊一個部位？宣萱答:「我著重眼神，第一當然因為拍戲需要。另外，亮麗嘅眼睛可以帶給人神采飛揚嘅第一印象。」

全新御庭蘭花眼唇再造修護霜，特別蘊含前所未見嘅超凡成分順時禦齡(Chrono-ResponseTM)複合物，持續修護肌膚，擊退一切老化跡象，重現年輕明眸，配合適當嘅按摩，功效更顯著。

Comments

comments

Powered by Facebook Comments