高清駛乜驚！美圖T8自動修飾靚樣

高清駛乜驚！宜家有美圖T8，連修圖App都可以唔使用！手機採用AI美顏技術，能按照五官、膚色進行修飾，自然地隱藏瑕疵，配埋1200萬雙像素前置鏡頭，即刻變女神！

美圖T8主打自拍同美顏功能，1200萬像素嘅前置鏡頭自然成為一大賣點，鏡頭用上SONY IMX362感光元件，支援PDAF快速對焦及OIS光學防震技術，最特別莫過於採用咗雙像素技術，每個像素都有兩個感光二極體，簡單嚟講，就好似用兩隻眼同一隻眼睇嘢嘅分別，所以T8所產生嘅影像零捨清晰過人。另外，主鏡頭像素高達2100萬像素，同前置鏡頭一樣配備咗智能閃光燈。

話T8係為一眾貪靚嘅女士們度身而設，絕對無錯！當中嘅AI美顏技術能依照每個人嘅五官、膚色、頭髮進行修飾，自動調整照片嘅細節，例如提亮氣色、美白牙齒、淡化黑眼圈等，幫你隱藏臉上嘅瑕疵，顏值馬上提升，而且效果自然，仲勁過出面所謂嘅多效合一護膚品。唔單止影相有美顏功能，拍片一樣有，仲可以邊直播邊美顏，即使素顏上陣都無有怕！

T8擁有5.2吋1080p AMOLED屏幕，配備MTK Helio X20 十核心處理器，內置4GB RAM + 128GB ROM強大記憶體。手機共有3種顏色選擇，包括橙、藍及玫瑰金，將於2017年3月10日出售，定價為HK$4,888。

Comments

comments

Powered by Facebook Comments