情人節孖住戴!Phase Hybrid智能腕錶

情人節孖住戴!Phase Hybrid智能腕錶

唔係淨番好多日,就到情人節,未諗掂買乜畀情人嘅你,可以考慮吓送Misfit剛推出嘅全新Phase Hybrid智能腕錶,傳統腕錶嘅外型,再加上有埋健康追蹤功能,既美觀又實用,最啱同另一半一人一隻!

Phase04

Phase03

Phase02
Misfit一向著重外觀上嘅設計,新推出嘅Phase Hybrid智能腕錶就有著傳統腕錶嘅外型,錶面提供時間刻度、時針及分針,而拋光精鋼錶殼則由緞面鋁質外罩固定,堅固又耐用。唔同顏色嘅錶身會分別配上皮革錶帶,又或者運動錶帶,用戶更可以自行配搭任何款式嘅20mm錶帶,無論返工抑或出去玩,總有一款腕錶可以襯到衫。其中玫瑰色嘅腕錶配白色皮革錶帶就最啱女仔戴;若果想送畀男士們,灰色腕錶襯黑色皮革錶帶會係唔錯嘅選擇。

Phase01

Phase Hybrid唔淨止得個殼,當中嘅功能亦都好實用,能夠自動追蹤步數、步行距離、卡路里消耗及睡眠質素,包括淺層及深層睡眠,並將數據同步到手機中,等大家可以隨時監測住自己嘅身體狀況。另外腕錶仲有提示功能,可以透過指針、顏色窗口及震動嚟顯示訊息及來電嘅提示,同時亦可以變成手機嘅控制器,用嚟播放音樂或者遙控自拍。腕錶由電池驅動,一般能夠使用長達6個月,唔使經常叉電,非常方便。

Phase06

Phase05

Misfit Phase備有五種顏色,全部現已發售。

黑色Hybrid智能腕錶配運動錶帶        HK$1,549
海軍藍色Hybrid智能腕錶配運動錶帶      HK$1,549
灰色Hybrid智能腕錶配皮革錶帶          HK$1,699
玫瑰色Hybrid智能腕錶配白色皮革錶帶    HK$1,699
灰色Hybrid智能腕錶配啡色皮革錶帶      HK$1,699

Comments

comments

Powered by Facebook Comments