造工超讚！Gear S3外型似足傳統錶

Samsung智能手錶話咁快又嚟到第三代，上一代換經過大變身之後，估唔同今次Gear S3喺外型上一樣有驚喜，造工精細到可以媲美傳統錶，打破咗智能手錶一向畀人太過前衛嘅感覺，唔少用家見過都大讚！

新一代Gear S3一共推出frontier及classic兩種款式，外型明顯比上一代精細得多，造工睇落同傳統手錶無嘜分別，邊個話智能手錶唔可以整到咁靚？尤其運動型嘅灰黑色frontier較為粗獷同硬朗，夠晒型格！

手錶擁用1.3吋彩色屏幕，對女仔嚟講，戴上手可能會略嫌大隻咗少少。不過，直觀式嘅界面的確好易用，而且Gear S3沿用返上一代可轉動嘅圓形錶框，只要轉動一吓錶框，就能接聽或者拒絕來電，仲可以做埋其他選項，認真方便！

加上錶身側邊設有「主頁」及「返回」兩個實體鍵，操作簡單直接。

Gear S3採用較常見嘅22mm錶帶，可以按照自己嘅心水，隨意換上唔同款式嘅皮錶帶同膠錶帶。

Gear S3唔單止容易操作，功能亦都十分齊全，除咗一般嘅訊息接收及短訊回覆之外，仲可以接聽電話同播放音樂，而且內置咗GPS，能夠記錄運動足跡，亦可以追蹤唔同嘅健康數據，包括實時心率監測等。此外更支援IP68防水防塵功能，就算喺水深1.5米下，仍可使用長達30分鐘，而且能適應唔同嘅極端環境，非常耐用。

另外，手錶有好強勁嘅續航力，每次叉完電都可以用到3至4日，唔洗日日充電咁麻煩，而且當電量跌到少於百分之五嘅時候，內置嘅低電量模式更會自動開啟，畀用家用多十個鐘頭。

至於另一款配搭咗皮帶嘅銀色classic版，風格與frontier截然不同，設計相對斯文大方，兩款價錢同為HK$3,398，並現已發售。

 

Comments

comments

Powered by Facebook Comments