逾500件珍貴收藏貝殼展一次睇晒

想喺香港呢片石屎森林，尋找到大自然生態，唔一定要去到戶外！始創中心所舉辦嘅貝殼展今日開鑼，500多件嚟自全球各地嘅貝殼珍品任你睇，除咗觀賞到唔少稀有品種之外，更可以對佢哋有更深入嘅了解。

今個暑假，只要走入始創中心嘅沙灘樂園，你就可以認識到唔同品種嘅貝殼！

由今日起至8月31日，商場會舉行貝殼展，超過500件珍貴貝殼一次過呈現喺各位嘅眼前。

今次嘅展品由貝殼收藏家及研究學者黃炯韜博士從世界各地搜羅返嚟，每款都有唔同造型同花紋，而且亦係首次喺香港公開展出，極具觀賞同研究價值。

當中更有唔少稀有罕見嘅品種，包括「日本圈心蛤」、「龍宮翁戎螺」、「綺螄螺」、「蛋糕簾蛤」、「秘魯鳳螺」、「鸚鵡螺」、「銀杏螺」及「維納斯之梳骨螺」等，更難得係有機會欣賞到成套深海龍宮貝成長系列，錯過咗今次，睇怕呢世人都未必再有第二次，你又點可以唔嚟呀？

夏日貝殼珍品奇趣展
日期：7月19日至8月31日
地點：始創中心地面大堂

comments

PUFF.HK 流行食玩樂資訊媒體