雞蛋變石頭！台女設計「眼淚槍」撼高牆？

當眼淚變成了子彈，喊就唔再代表軟弱，而係最有力量嘅反抗！台灣女學生陳儀霏喺荷蘭留學期間有感而發，於是設計出一枝「眼淚槍」作為佢嘅畢業功課，藉此帶出其實每個人都有能力去抗爭！

面對權威，好多人都選擇盲從，台灣女學生陳儀霏因為喺傳統價值觀嘅底下成長，亦都唔例外，但當佢去到荷蘭留學之後，先發現當地人主張嘅核心價值同自己所相信嘅完全係南轅北轍。而喺一次討論當中，因為唔敢挑戰權威而無法反駁老師嘅觀點，有口難言令佢忍唔住痛哭，不過喊過之後，佢發現情緒其實係一種好有力量有嘅表達，亦因此啟發佢研發出「眼淚槍」Tear Gum，利用壓縮氣體將收集到嘅眼淚凍結成冰粒子彈，將一般人認為最無用嘅眼淚轉化成真實嘅武器，而當中所產生嘅力量可能係大家想像唔到咁大！

資料來源：Dezeen

Comments

comments

Powered by Facebook Comments