PUFF.HK 流行食玩樂資訊媒體
護膚品牌Terisa喺噚日發表冰之花姬系列，女神倪晨曦(Elva)獲邀出席活動。新產品以保濕力超強嘅日本冰花做噱頭，能夠幫肌膚深層補水，就算面對咁乾燥嘅冬天都唔使怕。
噚日，美容達人倪晨曦(Elva)現身喺Terisa產品發布會，最近佢開設咗個人網站，分享護膚及扮靚心得。
踏入秋冬，對Elva嚟講，保濕功夫好重要，絕對唔可以馬虎，所以佢好鍾意敷面膜，出席活動之前都特登敷咗個mask先嚟。
Terisa全新推出嘅冰之花姬系列主打高保濕及抗衰老，品牌聯同日本玉川大學做研究，成功從冰花提煉出有效成份，揉合埋多種精華，製成護膚品。冰花含豐富嘅葡萄糖醛酸、 β胡蘿蔔素及肌醇，保濕能力係膠原蛋白嘅1.3倍，並且有淡化斑點、抗氧化及美白等功效，亦可以改善皮膚發炎症狀。產品所選用嘅冰花由日本培植，天然純淨，而且製作過程經嚴格監控，安全可靠。
整個系列嘅質地都較為清爽，一啲都唔黏笠，推開好似水一樣，一下子被肌膚吸引收晒，感覺非常保濕，十分適合油性及混合性肌膚使用。
冰之花姬補濕爽膚水 HK$413
蘊含冰花萃取原液，預防肌膚乾燥，有效美白及淡化色斑。
冰之花姬抗氧精華 HK$621
加強保濕，減淡乾紋，使肌膚呈現光澤及飽滿。
冰之花姬補濕面霜 HK$589
含大量冰花保濕成分，能密集補水，做到深層滋潤，並具消炎及抗紫外線功效，有助延緩衰老。
冰之花姬緊緻乳液 HK$621
補水同時鎖水，能提升肌膚彈性，回復緊緻。
冰之花姬補濕面膜 HK$545(5片)
為肌膚瞬速注滿水，並且有效抑制色斑及美白。
Comments
Powered by Facebook Comments
