PUFF.HK 流行食玩樂資訊媒體
航拍機由好專業嘅嘢，變到宜家係人都可以隨手玩到部，就好似早前推出嘅XIRO XPLORER MINI，體型同手掌差唔多大，而且只係靠手機操控，簡單易上手，一飛即玩，最啱啲初哥拎嚟練習。
雖然機身細小，但夠玩15分鐘
如果要用一個字嚟形容XPLORER MINI，就係「細」！呢部重量約420g嘅航拍機，細到只有手掌咁大，但咁都仲未夠，機身採用咗摺疊式嘅軸臂，能夠輕易收起，令體積進一步縮小到190 x 138 x 55mm，加上航拍機只係用手機操控就得，唔洗額外帶多個遙控器喺身，極之方便攜帶。另外，值得一提嘅係，機頂蓋用咗塗鴉圖案去設計，咁靚嘅外型喺出面好少見到，而且仲有淨色提供，可以自行DIY想要嘅款式。
建議初哥可以加設防護罩，減低危險性
假如你搵緊一啲入門級嘅航拍機，XPLORER MINI絕對係一個好選擇，皆因穩定性高而且操作容易，只需透過Wi-Fi連接手機，再藉由App進行控制，好簡單就可以做齊「一鍵起飛」、「一鍵降落」、「空中懸停」、「自動返航」等基本功能，而且當中設有陀螺體感模式，航拍機識得根據手機傾斜嘅方向，自動向前、後、左、右飛行，有咗呢種咁直接嘅方式，用家唔需要任何操作技巧，一開機已經可以即刻玩到，啱晒初學者。另外仲有其他進階功能，包括「Follow Me跟隨拍攝」、「Follow Snap影像追縱」及「360 環繞自拍」。
Xplorer Mini內置高達1300萬像素、1080P / 30 fps嘅鏡頭，另備有電子影像增穩系統，能抵消飛行時機身嘅傾斜及抖震，而且支援190度廣角拍攝，配合APP內嘅自動消魚眼功能，能解決影像因為魚眼鏡所造成嘅變形。而航拍機主要針對近距離嘅空中拍攝，範圍遠至100米、高至50米，如果使用埋遲一步推出嘅專用遙控器，飛行距離更可延伸到500米之內。
講多無謂，宜家帶大家一齊試吓XPLORER MINI，你就知佢有幾咁好玩!
XPLORER MINI現已發售，售價為HK$ 3499。
查詢電話：2217 3030（VIM YIELD COMPANY）
Comments
Powered by Facebook Comments
