MT Mabel.兩.性關係.

1797465_824977387523981_4113530631219248495_n2MT Mabel.敢言.兩.性關係.

霸佔人生最多的,除了衣食住行外,就是「愛」,然後「性」!你不談戀愛,我知道「愛」或許傷過你,那就學習怎樣的「愛」才適合自己!你不敢談性,請不要忌諱,這比你大小二便更平常;今天你討論也不願,單靠寶貴年歷去取經,或許會更傷到自己!

Facebook專頁:MT Mabel 「讚好」了解我更多~ (https://www.facebook.com/MTmabel)

~歡迎提出你想討論的話題,這裡有開放、健康的空間,讓我們一同好好學習 ~

 

自殺式愛情,愛你愛到出「超必」(一)

人一生就是被愛圍繞,有愛,才會得到快樂。爸媽賺錢給你買想要的,你會開心;嫲嫲年紀老邁仍堅持每天照顧你起居飲食,你會心甜;好友對你無條件的「撐」,你會終生感動;另一半對你無微不至的寵愛,你會窩心!但當愛超過了100%的能量BAR,101%之後又會是怎樣?今次討論其中一種… Read More »

你枕邊那位,屈機嗎?

我單刀直入D,唔轉彎活角喇!其實本宮真係幾憎D扮可憐嘅女人,同埋D有嘢又扮無嘢嘅男人!對住佢地嘅無理,講佢又唔明、鬧佢又唔聽,總之就完全溝通唔到得黎又逃避唔到咁哽咽。經常都好有一種打佢唔長,又吹佢唔脹嘅感覺濃罩住兩口子嘅生活。當日子慢慢磨逝,你可能已不會奢望「我地今日唔好嗌交」,而是希望「你今日唔好又發癲」,似…曾…相…識…嗎? Read More »

上床應該搵個夏天唔怕你熱,冬天唔怕你凍嘅男人

童話故事中,在凍冰冰的寒冬裡,與男友兩口子窩在床上;他緊緊抱著你,你絕對能感受到他呼出來的空氣也是溫暖,他更說:「寶貝不用怕,好快暖」! 同樣是童話故事的橋段,在開了冷氣都未必夠涼的炎夏,很懂撒嬌的你最會如膠似漆般黏著男友。你:「死啦,你好似出汗,係咪我熱親你?」男友:「不准走開,繼續讓我抱住,我就是喜歡你熱辣辣」! 嘩…攞命咩?lee兩個橋段簡直可以列入10大經典冧女排行榜嘅頭幾位呀!「不嫌你凍,不嫌你熱,只要你在身邊就可以了」,對本宮黎講,lee個條件已經係可以成為老公的門檻。可能你會覺得點解我要求咁低?嗯…咁諗你就錯喇!我遇過太多一邊說愛你,一邊卻努力嫌棄你的男人。等我同大家分享一下有邊D唔值得愛嘅男人啦! 殮房拍拖奇遇 我一位白羊EX,他口裡說喜歡我,卻不願包容我在冬天的手凍腳凍;因為他看自己的感覺重要得多,明明當兩個人的體溫結合,升溫的速度會更快,但他卻不肯等,一次都不容許!他會話:「嘩!你個人咁凍嘅?喂,你整暖咗個人先”COME”返被啦,我都好凍呀!」聽完,第一個感覺係「心碎了」;然後就係疑問緊,唔COME被又點整返暖個人呢?佢除咗心地有問題,邏輯都好有問題… 於是,佢真係一手將張被捲住自己咁瞓;然後我就著多幾件衫,好臃腫+ 離行離迾咁瞓喺佢格離。果種好似入X咗殮房藏屍櫃嘅冰凍,我一生一世都記得!那刻,我個心已經牢牢被鐵石心腸的他冰封了,再沒有知覺。 有一種愛叫「分開瞓啦」 同樣又係一隻白羊EX,他一邊說,想跟我共渡餘生,另一邊廂,卻無法接受我冬凍夏熱的身體。好多情侶,白天就是昂頭等天黑,希望快D可以同愛人一齊大被同眠;但他卻說「我好怕熱架,你D皮膚咁熱,分開瞓啦,唔係我點瞓?」Well…未結婚就分床?wow…又前衛又摩登呀你!因為我愛他,想他跟我一起時感覺是舒服,而唔係覺得困擾和埋怨,於是我book了中醫看看。當時醫師說我d血好熱好熱,所以當我覺得沾寒沾凍時,皮膚上的溫度仍會很高,身體經常就像發燒中的病人一樣。咁唔怪之得啦,每次男友問我「點解你咁熱仲come被?」,佢永遠都唔會相信「我真係好凍」。飲過一段時間中藥,外熱內凍的情況沒太大改善;反而變化的是,我對他的濃淡度,唔洗問亞貴,當然係無加則減啦!同我搞嘢果時就雙劍合壁痴埋黎,射完幾篤精就叫分床嫌我熱?lee d咁嘅賤人抵你性無能啦! 你地而家明白,點解我話「不嫌你凍,不嫌你熱,只要你在身邊就可以了」,係一個可以成為老公的門檻啦!我將我傻傻的經驗分享俾你地,希望大家以後揀男人千祈唔好揀lee d賤種呀!           霸佔人生最多的,除了衣食住行外,就是「愛」,然後「性」! 你不談戀愛,我知道「愛」或許傷過你,那就學習怎樣的「愛」才適合自己! 你不敢談性,請不要忌諱,這比你大小二便更平常;今天你討論也不願,單靠寶貴年歷去取經,或許會更傷到自己!   MT Mabel.敢言.兩.性關係. Facebook專頁:MT Mabel 「讚好」了解我更多~ (https://www.facebook.com/MTmabel) ~ 歡迎提出你想討論的話題,這裡有開放、健康的空間,讓我們一同好好學習 ~ Read More »

【偏激文】女生走光日記

有些女生,男友叫你唔好著得咁性感,佢地唔理,力撐到底,死都要著! 同一班女友,當男友唔再管佢地點著,佢地又大喊點解唔再緊張佢。 這種女人你遇過嗎?你自己又係咪Lee種可愛的人呢?   首先,我本人好贊成,人是要珍惜自己現有本錢,好好欣賞和發揮,男女如是。小姐應趁身材仍然挺拔、雙峰依然脹起時,挑選一些性感而又不失美感的衣服;有空多點影相留倩影,否則隨著年齡而身材開始走樣時,才去妒忌妹妹仔的卜卜脆身段已經太遲。加上,對著女兒想當年自己後生有幾火辣已是廢話,因為你無圖無真相!(奸笑)   未露毛點算「走光」? 以前,我從不會想「走光的定義」,因為我認為在眾人眼中,都是大同小異。但有次,我穿了一件小V領的T-Shirt,坐對面的女性朋友跟我說「你走光呀」,我心想:「露了1cm波隙都叫走光?!」,好,我拉高d件衫。未幾,佢又重覆「喂,你走光呀」,我低頭望望,仍是1cm… 當佢再講第三次時,我便說:「其實我件衫係咁架,lee d唔係走光」。但我回想,可能因為她的伴侶同樣坐我對面,所以不想他望到惹人暇想的身材。唉,呷這種醋實屬正常,但如果當眾用咁嘅方式講出口就變得無禮又不大體啊~做女人的,應要注意!尤其當男人在場,你說每一句話,做每一個動作,也可影響他的面子呢!   話說回來,我認為走光太難定義了,若一定要說,我會認為是露出了胸圍、內褲、露點或露毛才算走光。但有時穿低腰褲和透視衫的人,她們是故意把內衣露出,是潮流,是style;所以看到對方穿起這類衣服,基本上是無需多加提醒的。我覺得走光是指坦露了一些原本無打算露出的部份;而這個年代,大家的衣著和思想都日趨開放,所以你往往很難斷定面前的人想露什麼,不想露什麼。而事實係,人地著乜,關你咩事?你照顧好自己是否穿著你喜歡的、是否穿著得宜、新衫是否已剪牌…就可以了,別人著乜你理咁多做咩呢?   女友:「你唔睇大把人睇呀」 點解有d女人愈著愈性感?即使同男友鬧得面紅耳赤都不肯讓步著返件衫呢?可能就係男友缺乏讚賞了吧!我訪問過一班大男人,佢地會覺得「女人唔讚得,一讚就囂,囂就唔聽話」、「覺得佢靚又點?點解要讚?」、「人地條女就讚得,自已果個點都唔會讚」、「讚佢咪即係祟拜佢?應該佢祟拜我丫嘛?!」等等。 喺女性角度:「今天著咗新衫,你唔讚唔喜歡,咁我聽日買過第二件著俾你睇啦。」點知第二日男友見到又係無動於衷:「唔緊要,再買第二個style嘅衫。」如是這,見面整個星期,男友都毫無反應,女友:「嗯…唔通佢喜歡性感d?」第二個星期開始,女友穿得火辣又性感,但可憐的妞妞仍是得不到男友半點讚賞和認同;不過,她卻得到很多身邊男/女性朋友的青睞,總算有返d存在感。於是,逆來順受的日子慢慢培養出:「好!你唔睇,大把人睇呀!」的偏激想法。往後,你個女人愈著愈性感,愈辣就愈多人讚;開頭都重會想引你注意和期待你會緊張佢;但當習慣了你狠毒的無視後,你有看與否?欣賞與否?對她來說已不重要,就好似她對你來說根本都不重要一樣!   今日格言:「走光唔緊要,讚賞好重要,Yeah!」           霸佔人生最多的,除了衣食住行外,就是「愛」,然後「性」! 你不談戀愛,我知道「愛」或許傷過你,那就學習怎樣的「愛」才適合自己! 你不敢談性,請不要忌諱,這比你大小二便更平常;今天你討論也不願,單靠寶貴年歷去取經,或許會更傷到自己!   MT Mabel.敢言.兩.性關係. Facebook專頁:MT Mabel 「讚好」了解我更多~ (https://www.facebook.com/MTmabel) ~ 歡迎提出你想討論的話題,這裡有開放、健康的空間,讓我們一同好好學習 ~   Read More »

請多謝我跟你上床

男人好多都可以有性無愛,只要碌蕉有反應,咩都入得。對女友對到悶時,只要喺銀包掏出幾百蚊,就可以搞啲幾千個男人搞過嘅女人而完全唔覺污糟!梗係啦,先得果十分鐘持久力,仲理得咁多咩?出咗先算啦!女人就唔同喇,好多都要有愛先可以有性,唔好講到「愛」咁嚴重丫,但起碼都要有FEEL,唔係一濕咗就同咩人都入得。雖然年代唔同,女人嘅性觀念同開放度都有所轉變;就好似今時今日,愈來愈多女人都會為咗錢或者想泊個好碼頭而嫁俾「錢」,同「錢」上床。但我相信秉持女性傳統美德的女生,一定會比同錢上床的,遠遠多好多。 男人跟你做愛,唔係你諗咁簡單 曾經,我望住枕邊的男人,會覺得佢因為愛我、因為覺得我正、因為覺得我吸引…先會同我上床。但長大後先發覺,同你上床果個唔一定覺得你正;佢地可能係因為貪就手、想上吓D Cup女人、同兄弟爭女為啖氣、有d PK d嘅就同朋友輸賭要搞到你為止。總之,層出不窮嘅狗賤因素令我每投入一段感情時都感到惶恐,怕被人玩、不被珍惜、還會遇到0趙完唱的食屎狗!所以,跟男人遇上,對我來說愈來愈不簡單,愈來愈不清純,陷阱總有一個喺「左近」似的。 女生如何上男人的床? 而女生,我們都好純樸地被男性的某些方面吸引,可能係樣貌、可能係才能、可能係口材、可能係上進心,然後慢慢愛上他們。每天都想聽到他的聲音、期待放工跟他品嘗浪漫的海景餐廳、冬天想親手織一條溫暖牌頸巾、生病時想給他煲一壺清熱白粥。約會了幾次,拖手和擁抱的感覺都能使我們心跳,每每談及見家長的事都讓我們開心得欲拒還迎,滿腦子想著初次見伯母穿裙好?還是穿褲好?繼而,上得男友家一次、兩次,慢慢觀察到男友家並沒有其他女人的日用品,心想:「嗯,安全!他只有我一個」。隨著對男友的信任和愛意增加,加上他的「熱情邀請」,女生可以卸除裝備,放心含苞待放了。 即使係牙籤仔,都覺得你最舒服 女人的愛是滿有包容,即使身邊那個J短短、J幼幼、甚至J無力又軟皮蛇,大部份女人都會還是覺得你最好。即使未係最好,都會將男人嘅性缺點放到好後,後到唔係好睇到。反而,我會搵D可以讚嘅地方讚佢地、鼓勵佢地,話哂男人性能力唔好,佢地自己都會好唔開心嘅! 嗱!LEE一點同男人就好大分別喇!男人覺得你肥、覺得你闊(你明的XD)、覺得你唔識騷手弄姿、覺得你某D POSE唔識就位、唔識郁等等,佢地可能會擺哂個不滿樣上塊面度、又或者直腸直肚怨你幾句、再唔係就叫你「得閒上網學吓D AV丫嘛」。總之佢地為咗想你達到佢心目中嘅指標,就會忽略了對方感受地盡情表達,或是老奉覺得你有問題、你要改咁嘅款;坦白講,其實真係幾HURT,幾令人窒息架!   故此,女人跟男人上床不是純粹想有性刺激咁簡單,當中係包含咗感覺、欣賞、依靠、信任、幢幜…在內。   請珍惜我們跟你上床的心意,不要隨意辜負我們女人啊!       霸佔人生最多的,除了衣食住行外,就是「愛」,然後「性」! 你不談戀愛,我知道「愛」或許傷過你,那就學習怎樣的「愛」才適合自己! 你不敢談性,請不要忌諱,這比你大小二便更平常;今天你討論也不願,單靠寶貴年歷去取經,或許會更傷到自己!   MT Mabel.敢言.兩.性關係. Facebook專頁:MT Mabel 「讚好」了解我更多~ (https://www.facebook.com/MTmabel) ~ 歡迎提出你想討論的話題,這裡有開放、健康的空間,讓我們一同好好學習 ~   Read More »

傻豬,重點不是他有多好,而是他對你有多好!

女生心目中定必有位白馬王子,但我相信隨著時代變遷,最真心和最青澀的條件必會遭到現實薰陶而有所調整。例如:由「真心愛我就夠了」變成「月薪最少$35,000」、由「每個月要跟我慶祝紀念日」變成「每個月準時給我家用/零用」、由「希望節日會收到小驚喜或小心意作紀念」變成「希望節日會收到我指定的名牌手袋」。當生活被迫日趨現實,女士們擇偶條件順理成章都變得膚淺;難得找到能乎合這種條件的,便稱之為荀盤,然後瞬即交往。可是,大家並沒察覺出現了危機 — 重點不是他有多好,而是他對你有多好! 【樣貌篇】靚仔?無你份睇! 大多數女生也會想有個靚仔男友,但講真,眼見啦,香港有幾多個靚仔?!所以遇不到的就唯有把「我不要靚仔,靚仔沒本心」這句話當成緊守的座右銘。且慢,劇情其實沒這麼灰,皆因「情人眼裡出西施」是千真萬確的;當你愛他,便覺他比人笑得可愛、肌肉線條比人特別出眾、沒有GEL頭反而覺得是自然美等等;只要有愛,就能塑造出一個不折不扣的「靚仔」男友。 可是,總有些男人追你果時就日日裝扮成戰鬥格咁款,俾佢追到就即刻HEA著衫+頭都懶得梳;問題係,同你出街先HEA,返工、應酬、見朋友仍然會保持最型狀態。他們把最好的一面都留給別人,這就是其中一項他們大喊摸不著頭腦的「女生缺乏安全感」了! 重點不是他有多好,而是他對你有多好!   【時間篇】所謂「沒有時間」… 男人要養家、要為將來打算,要以事業為重,做女人當然要全力支持。而他們工餘時間需要放輕鬆也是正常事,做女人的也應給予空間。但,身為男人亦應懂得分配時間於工作、消遺、家人與伴侶,以致取得一個平衡。當女人擇偶時,可能容易被一個有事業又有多餘時間的男人所吸引,以為有錢仔會照顧自己。不一定的!若他的時間都說要舒壓而去把酒玩笑、打機、篤波、睇波…而最終你卻沒得到男友半點陪伴和慰藉,那便狠狠把他拋到垃圾站吧! 重點不是他有多好,而是他對你有多好!   【金錢篇】有錢,但唔洗落你度,吹咩? 好多女人都想泊個好碼頭,而好碼頭的基本定義就是「有錢」。但做女人切忌利字當頭,一聽到某公子哥兒有錢就仆埋去;因為好多男人薪水雖高,又沒有家庭負擔,卻沒意慾把錢花費在女伴身上。當幾萬蚊薪水的男友不願掏錢跟你結婚、無限推搪說不能買樓跟你過日子、連一年去一次日本旅行也要說三道四,弄得最後都去不成… 這樣,是你想要的嗎? 重點不是他有多好,而是他對你有多好!   【心思篇】細心都唔細喺你度 女比男細心是鐵般事實,但並非沒有細心的男人;姊妹們不要誤信世上沒細心男而迫自己接受一個你不想接受的「無心男」啊!追女仔那個黃金時段,男人往往都是出盡九牛二虎之力,即使是買束花、選飯局地點、揀甜品款式、留意約會當天的天氣再決定是否需要帶遮、出入冷氣地方會為你多預備一件小褸等等。所以,男人實情是會細心、懂心思的。問題是,當他得到你後,會否放輕在意你的心態;把那些在乎你開心與否的心思都收回,而把其放在工作、股票和遊戲攻略上。 重點不是他有多好,而是他對你有多好!   【記性篇】腦容量超高,卻沒有你 男人都是大細路,無記性、大頭蝦,絕對不足為奇。當你認識到一位既成熟又有自理能力的男士,必會為嫌惡「湊仔」的女士大放異彩。其實有返咁大個人,凡事仍要替他操心、事前叮囑一萬篇仍會出錯、說過我不吃的菜式,他又再次為你點了… 確實令女人感到絕望又疲累。但你有否發覺到,他並非記性不好,只是記的都不是關於你的事而已。你可試試問一些他喜愛的東西,例如:今晚10點場英超邊隊對邊隊?賠率是多少?TOYOTA最新型號幾時出?整包圍邊間車行最好?我肯定他們都能朗朗上口。而女友最愛什麼顏色?有什麼不喜歡吃?他或許撞到頭都穿都未撞得出一個好答案來。 重點不是他有多好,而是他對你有多好!   今次個結論顯淺易明:重點不是他有多好,而是他對你有多好!         霸佔人生最多的,除了衣食住行外,就是「愛」,然後「性」! 你不談戀愛,我知道「愛」或許傷過你,那就學習怎樣的「愛」才適合自己! 你不敢談性,請不要忌諱,這比你大小二便更平常;今天你討論也不願,單靠寶貴年歷去取經,或許會更傷到自己!   MT Mabel.敢言.兩.性關係. Facebook專頁:MT Mabel 「讚好」了解我更多~ (https://www.facebook.com/MTmabel) ~ 歡迎提出你想討論的話題,這裡有開放、健康的空間,讓我們一同好好學習 ~     Read More »

其實男士未必想你係「白切雞」

夏天,一向是令女生高度困擾的季節;除了要減肥和踢有bye bye肉外,non-stop剷除體毛也是首要使命必達。舊式的脫毛方法有剃刀、蠟紙、脫毛膏;想毛毛遲一點才生長出來,可使用拔毛夾或拔毛器;到了這世代,大多都會轉用聲稱能永久脫毛的彩光和激光了。古時,女生重點擊落的部位是腋下兩「執」濃黑髮菜;現今,大家要「重點」擊落的卻是腋下、小腿、大腿、手指、腳趾、唇毛…甚至陰陰陰…毛! Read More »

男兒膝下有黃金,除了在床上

不知從哪個朝代傳下來的觀念,男子漢大丈夫即使遇到什麼險境就是要:不解釋、不埋怨、不說苦、不哭啼、不認輸、不下跪!這樣,便形成了當今世上,令女生感到速手無策和可惡到極的「大男人」了。大男人最明顯的特徵就是有意見卻不表達;對男人來說,不滿卻不作聲,「多麼Cool啊!」對女人來說,「唉,又唔Q知你做乜喇!」所以,大家對沉默不表達,確是存在著兩個見解。而另一種特徵,就是死愛面子,「下跪」這個動作,對於很多男人來說,乃是終極索命的落面行為,即使臨在求婚現場,亦堅持不會跪下。跪,彷彿會連累他倒霉十世! Read More »

哪有一天不想【軟】

男人要證明自己的雄風,最主要就是以JJ的硬度和持久度去衡量;而女人知道某男士很硬,而且能勃起很久,只單單聽到,耳仔也會蠢蠢慾動,腳仔更會想去結識他。如此壯麗的標記,誰不想擁有? Read More »

請你滾,滾出去,早日生花柳!

「一隻婚戒,背負了四個人,我和老公、兒子、還有那個女人!很重,我要除下了…」由朋友口中聽到她的遭遇,離我很遠,但不知為何,卻又熟悉。或許,我將來的男人也會行上這一步… Read More »