日本流行痴「假眉毛」？效果超神奇

痴假眼睫毛就聽得多，估唔到宜家可以痴埋假眉毛，效果仲勁自然，不禁讚嘆女士們嘅「喬裝」技術真係愈嚟愈高明！

日本人咁注重化妝，假眉毛係佢哋先至諗到，近期就推出咗Reallyyy Eyebrow Extension呢款產品。

打開一睇，裡面其實都幾核突，成pat膠水痴住一大堆毛，不過女人唔理呢啲野啦，最緊要係出到嚟嘅效果夠靚。

產品附送埋掃，只要點少少，再掃上你要填補嘅地方，無毛變有毛，立即得咗！

效果非常自然，完全睇唔出做咗手腳，唔好話男人，連化開妝嘅女人都應該分唔出真定假，真係好想買嚟試試！

comments

PUFF.HK 流行食玩樂資訊媒體