PUFF.HK 流行食玩樂資訊媒體
有冇睇過《極樂世界》？喺太空社區上面有張醫療床，即使身患任何疾病定係缺憾，經床上面儀器掃瞄就會變番身體健全嘅正常人。睇戲就咁講啫，為咗自己身體著想最好定期身體檢查，但唔係個個每年都去做檢查，可能太忙、可能忘記咗、可能懶…等等。幾忙碌都好，自己嘅健康都好重要架，所以Cue日日都幫你check住身體嘅狀況，有啲咩異常都會立即通知你！
Cue係由美國加州大學嘅醫學專家研發出嚟架!只需要一滴血液，唾液，甚至鼻涕都可以深層分析到你身體嘅狀況。當檢測捧沾上你嘅血液或唾液後，放到檢測器內，所分析嘅資料、數據、狀況、建議都會喺你部智能電話上面。以前每年去身體檢查都要抽血，Cue宜家用唾液都可以分析到身體嘅狀態，對怕打針嘅朋友嚟講真係一件天大嘅喜訊。
有時候，夜晚發病冇醫生睇真係好難受，如果係細路仔就更加可憐!呢個時候，Cue可以分析到你嘅病徵，建議出適當嘅藥物或舒緩嘅方式。當然電話咁方便，你都可以send Cue分析到嘅數據比你嘅家庭醫生，透過電話隨時隨地都可以搵到醫生啦!
Cue分別用五種色去為身體不同嘅範疇做分析同紀錄。
有些朋友比較難懷孕，而且身體分泌荷爾蒙嘅環境容易受到其他因素影響，粉紅色嘅檢測捧可以幫助分析你身體喺咩狀態下有更高懷孕嘅機會率。
藍色嘅係用黎監控肌肉嘅狀態，幫助你鍛鍊理想嘅身型，啱哂一班鍾意健身嘅朋友。
感冒係最普遍同容易患上嘅疾病，但唔同嘅人都會有唔同嘅徵狀，唔係單單一律食一隻藥就可以解決!綠色嘅感冒檢測捧可以為不同嘅病徵，提供夜診醫生嘅電話， 收集到嘅數據比埋醫生睇，就算唔去診所都可以睇到醫生啦!
多數人都鐘意食啲香口啲嘅野，不過好容易就會熱氣。年輕人多數都唔中意飲涼茶嘅苦澀，所以紅色嘅檢測器就會建議一啲健康食品或飲料，有助平衡身體內嘅均衡飲食，而且自家製都冇咩難道。
哂太陽可以令身體補充維他命D，不過經常室內工作嘅大家好少機會接觸，橙色檢測捧每日都會提一提你身體每日維他命D嘅含量，令身體嘅骨骼同肌肉健康生長。
Ref: https://cue.me/#influenza
Comments
Powered by Facebook Comments
