三年班問題：毛線可導電嗎？

小學三年級就已經開始學咩叫導電體同絕緣體，呢啲基本常識又點會考起大家呢?所以問一問大家毛線可唔可以導電呢?答案係，可以。吓？唔係呃你，係真架！大家一齊睇吓喺英國皇家藝術學院陳同學嘅畢業作品就一清二楚。

 

作為一個藝術畢業生嚟講，除了需要顧及作品嘅功能，更要將佢設計成一個藝術裝置咁。陳同學一共有三組設計，分別是張力燈(Tension Lamp)、榨汁機(Squeezy Juicer)和微風的觸摸(The Touch Of Breeze)。相信大家就連如何組合嘅概念都唔清楚，咁究竟點樣導電呢?其實有一樣產物叫做導電紗，係將少量嘅金屬纖維加入毛線上，比起一般嘅電線更有彈性同耐用。

 

 

 

 

 

 

 

 

 

 

 

 

陳同學巧妙地利用導電紗毛線嘅物理性現象，將拉扯時嘅張力、摩擦力同反作用力去令毛線嘅導電性改變，成為導體。

 

 

 

 

 

 

 

 

 

 

張力燈下方有一個木製圓扣連接毛線，把圓扣拉到支架嘅支點後，毛線從張力中產生能量，從而為燈泡提供電力。外型簡潔，加上木製材料更顯示出一種原始智慧生活嘅感覺。

 

 

 

 

 

 

 

 

 

 

 

 

 

 

 

 

 

至於榨汁機呢，當兩個人一齊同時向大毛球擠壓就會產生牛津嘅作用力和反作用力。同屋企人或者情人又多咗個機會親近吓，就算係比較內斂嘅朋友仔都唔怕啦！而採用橙色同橢圓形就係想配合番橙嘅形狀。

 

 

 

 

 

 

 

 

 

 

微風的觸摸又係啲咩？原來佢利用咗一塊仿草皮毛氈代替郊外嘅草地，當我哋喺上面摩擦嘅時候就會產生電力，令前面嘅小風扇轉出微風，仿如大自然一樣。

睇嚟毛線通電再唔只係三年級嘅問題！
Ref: https://www.prote.in/en/feed/2014/06/knitted-sensors

Comments

comments

Powered by Facebook Comments