秋意濃?人人食咩卵野?

有無覺得呢幾日天氣涼咗，有少少秋意咁呢！無錯，食大閘蟹嘅季節就到喇！
食大閘蟹最緊要就係多膏，有無發覺有時啲膏白白地，好軟熟，有時又橙黃色，實的的咁呢？原來哩個就係蟹公同蟹乸嘅分別啦！

 

是咁的，成日聽人講嘅蟹黃其實係蟹乸嘅卵巢同埋蟹卵（人稱紅膏），即係實啲嗰種。而蟹膏就係蟹公嘅精囊同精液等等（人稱白膏）即係軟熟嗰種。

蟹黃熟咗係橙黃色，口感較鞋，香味似蛋黃咁。而佢嘅膽固醇含量都較高。

蟹膏熟咗會變成半透明，黏黏哋，好杰身。有味道比較香，但係脂肪就比較多！

 

咁點從個樣分到佢公乸呢？就係睇佢地個肚塊掩喇！圓形有毛毛嘅就係乸，尖長無毛嘅就係公！

蟹痴們都知道啲蟹年年加價，size又唔係年年大隻！
有人為咗食到靚蟹，直頭自己去淘寶揀個心水湖嚟訂蟹。希望今年啲蟹靚靚仔仔 ，大家都可以食到靚蟹啦！

Comments

comments

Powered by Facebook Comments