PUFF.HK 流行食玩樂資訊媒體
過幾日就到聖誕，仲未揀啱禮物俾另一半？不如實用啲送袋啦，話晒可以日日孭出街。High Sierra推出咗三款唔同系列嘅背包，包括勁colorful嘅Rainbow BP2、行山專用嘅EMMETT同型格又低調嘅ICONIC，自用或者送俾人都一定唔失禮！
Rainbow BP2採用咗韓國大熱嘅超大帽蓋設計，呢種款式喺近年的確幾流行，加上背包以跣水物料製成，無咁容易整濕個袋，而且容量夠大，仲設有埋間隔位用嚟裝平板電腦，背面亦都有拉鏈方便拎嘢，非常實用，肩帶更加設軟墊，唔怕兩邊膊頭會受壓。外型雖然簡單，不過勝在顏色夠多選擇，而且仲好搶眼，除咗淨色之外，仲有波點同格仔款式。
至於好啱行山用嘅EMMETT系列，容量超級大，有成32公升，而且有多個唔同嘅間隔，一次過可以裝到勁多嘢，而兩邊嘅拉鏈袋亦都夠大，放到水樽同其他小物，實用之餘，最緊要係成個袋只有0.78公斤，唔算太重，孭住行足一日都好輕鬆！
另一款ICONIC用上型格內斂嘅滌綸布料，搭配卡其、淺灰、深藍三種比較低調嘅顏色，再加埋獨特嘅雙外袋設計，簡單得嚟又唔會完全無嘢睇，無論咩場合都啱用，而且呢款大容量嘅背包僅重0.3公斤，孭上身輕到好似無孭一樣，絕對係出街必備！
價錢：Rainbow BP2 HK$580 / EMMETT HK$580 / ICONIC HK$680
銷售點：
銅鑼灣HMV：香港銅鑼灣百德新街22-36號名珠城2至4樓
ISquare HMV：香港九龍尖沙咀彌敦道63號iSquare國際廣場UG樓層UG06鋪
Comments
Powered by Facebook Comments
