HUAWEI X Leica雙鏡頭 鄭中基都撐！

主打Leica雙鏡頭嘅HUAWEI P10系列手機即將抵港，早前喺發布會上，更請嚟紅星鄭中基同女神朱千雪撐場，唔知佢兩個對手機嘅拍攝功能又有咩評價呢？

全新HUAWEI P10系列採用雙主鏡頭設計，同時配備2,000萬像素黑白及1,200萬像素彩色Leica鏡頭。HUAWEI P10 Plus更升級至Leica SUMMILUX鏡頭，加埋F1.8 大光圈，有效提升低光拍攝嘅表現，呈現出清晰銳利嘅相片。

HUAWEI P10及HUAWEI P10 Plus首次配備800 萬像素Leica前置鏡頭，配合嶄新嘅「人像模式」，透過3D面部檢測、智能補光、膚色增強等多種技術，全面提升人像肌膚、立體燈光及散景效果，令每張人像相均充滿藝術感，而且自拍設有單人或廣角拍攝模式，能根據畫面人物數量自動切換，非常方便。

身為攝影發燒友嘅鄭中基，對Leica相機素有研究，佢表示非常滿意HUAWEI P10系列嘅拍攝效果，尤其大讚HUAWEI P10 Plus嘅SUMMILUX鏡頭，能夠保持相片中嘅細節，影像清晰且顏色豐富，絕對係佢拍攝上嘅好幫手。

至於女神朱千雪同樣對HUAWEI P10系列有讚無彈，「我鍾意同家人、朋友自拍，而HUAWEI P10系列嘅前置鏡頭經過Leica認證，當中嘅『人像模式』令人像更加之突出，自拍從此更具藝術感。」另外，朱千雪亦都好注重手機嘅外型，喺咁多款顏色之中，佢自己就睇中咗「鑽雕藍」，覺得既高貴又時尚，啱晒女士們。

HUAWEI P10及HUAWEI P10 Plus將於3月31日起發售，有金、銀、藍、黑四種顏色提供，價錢分別為HK$ 4,480及HK $5,680。

Comments

comments

Powered by Facebook Comments