PUFF.HK 流行食玩樂資訊媒體
《非常速盜》，一套令人腎上腺素飆升嘅超級動作電影，耗資近4億港元，由《救參96小時》、《殺神特工》等賣座班底全力打造！古董火辣跑車配上型男索女，一連串飛車場面，緊張又刺激，保證大家睇到目瞪口呆！
弊傢伙，今次玩大咗！神偷兄弟亞祖（史葛伊士活飾）同加力（費迪霍飾）偷車偷到得罪咗黑幫大佬，為咗保住條命仔，佢兩個被迫進行魔鬼交易，必須喺一星期內偷走大佬死對頭收藏嘅1962年產「法拉利250 GTO」古董跑車，既然洗濕咗個頭，就一於搞大佢，兩兄弟搵齊人馬，組成史上最強偷車聯盟，進行一次最瘋狂嘅玩命計劃。
《非常速盜》耗資近4億港元，由《救參96小時》、《殺神特工》等賣座班底攜手打造，破天荒雲集「寶馬」、「保時捷」、「瑪莎拉蒂」、「法拉利」等12大車廠嘅超級古董跑車，吸睛嘅仲有一班型男索女。戲中有大量驚險飛車場面，幾乎所有高難度動作都係由男主角史葛伊士活親自上陣，其中一幕偷車戲，佢更要從20米高嘅天橋一躍而下，並攀爬高速行駛中嘅貨櫃車，偷取天價古董跑車，場面相當緊湊刺激！至於女主角安娜迪艾瑪絲則係首次挑戰動作片，樣靚身材正嘅佢喺片中不時大show嬌人身材，而且仲會同男主角上演激情戲碼，令人充滿幻想。另外，除咗靚人靚車之外，亦都不乏靚景，電影主要喺法國巴黎同馬賽取景，最後一場緊湊嘅大型追車戲更喺蔚藍海岸拍攝，相當有氣氛。
《非常速盜》
上映日期：2017年9月7日
Comments
Powered by Facebook Comments
