走返轉巨人國！加大碼桔仔、全盒現身新港城中心

今個新春，新港城中心變身成巨人國！6.5米闊超大型全盒波波池＋6米高充氣大桔彈床，仲有巨型水仙花迷宮陣，行到入去，個個變晒小矮人一樣！

農曆新年好講意頭，乜都要大，連個桔都要揀個大嘅，寓意大吉大利，就好似馬鞍山新港城中心新春派對裡面嘅6米高巨型「大桔」咁，唔係一般大，而係超級大！企喺側邊頓時覺得自己縮細咗好多，超搞笑！裝置其實係一個可以畀小朋友同大人玩嘅充氣彈床，唔知係咪跳得高啲，學業同工作就會步步高升呢？

話明係「巨人國」，裡面所有野都係加加加加大碼，全盒波波池闊6.5米，內裡載有數以百計嘅迷你「金」桔，象徵盆滿砵滿。

場內更設有2.8米高水仙花迷宮，大家可以喺高低不一嘅水仙花叢裡面大玩捉迷藏，又或者沿住佢嘅「8」字路徑行返個大運。

另外仲有新年唔少得嘅大吉糖，又係勁巨型勁誇張，打卡嘅時侯，記得留意埋糖嘅入面，因為內有乾坤，當中設有影相機免費幫大家拍攝賀年照，只要透過手機二維碼(QR Code)程式，就可以即刻下載返相片，以作留念。

新春『大』吉潮玩派對
日 期：即日至2018年 3月 2日
時 間：10:00am-10:00pm
地 點：馬鞍山新港城中心 L2 天幕廣場

Comments

comments

Powered by Facebook Comments