箍住男人 要做神級女人！

本宮拍拖經驗不淺，閱男無數，而遇過的男人大部份也是衰人，有D諗返起道火都仲會滾一滾！所以，他們講嘢一般都會比較直：「鬧你咪鬧你囉，洗擇日呀？」故此，難聽的說話吸收得多，患上Cancer的機會也愈大，哈，講笑！只是聽得多有刺有骨的話，飛濺的血水會把我頭腦沖洗清醒，苛刻體罰式的教導令我今天知道，對住什麼男人，就要做那個自己。我，大概心中有數！

不過，仍有不速之客會走來攻擊我、審問我：「講到自己咁叻，咁你又無男朋友？」哈，誰說有男友就等於好事？嫁咗人就等於幸福？生咗個B就等於美滿？結咗婚50年都一樣可以背住你「Sa Sa滾」呀懵婆！！

 結婚=幸福？

我一向都好討厭D男人揸正牌話自己「鹹濕係天性」、「三妻四妾好正常」、「識返屋企就得啦」、「屋企個女人好煩丫嘛」！如要對付他們，就先要好好裝備自己，做好女人的角色之餘，亦要把自已的美態Keep住100分，保持在市場上的競爭力。你要告訴他，「失去你，再不會遇上比你更正的女人」

 

神級女人基本功：(勿犯以下任何一條)

1) 唔好做八婆！隨便跟他人暢談你地之間嘅私事係大忌，尤其同佢d朋友

2) 一嗌交就即刻喺facebook發炮狂轟男友

3) 有乜不滿就搵返前男友來暗示、明示、甚至比較

4) 成日都問「如果我同你阿媽一齊跌落海，咁你會救邊個先呀？」

5) 無論有乜聚會要死跟住去，唔帶你去就敲問「係咪阿邊個會去所以唔帶得我去呀？？」

6) 永遠出門口都拖超耐，買個早餐都要貼假睫毛，尾班車就開出都仲要補埋個妝先

7) 男友與異性一有接觸，就把對方當成第三者，成日提住問住，仲日日check埋人地facebook

8) 不接受戀情現況，終日迫婚、迫買樓、迫生仔、迫同居、迫佢唔出街陪住佢、迫佢請假陪你去旅行、迫佢扮一個你心目中的男人

9) 唔識睇場合講說話，有咩唔高興就喺男友D朋友面前黑面，仲要你即刻陪佢走

 黑面

10) 偷偷delete哂佢電腦裡面的珍藏AV

11) 只要有女人打電話來就一直追問「邊個黎架?」，睇到有新嘢又要審「邊個無端端送俾你呀?」

12) 不思考哪裡出錯，總之就擺出一副自己最委屈的模樣，例牌以眼淚洗面

 眼淚洗面扮可憐

13) 當男友跟朋友在玩線上遊戲機時，因為不滿而恨恨拔掉大掣，噢！Gameover….

14) 介入男人的事業，明明只知皮毛，卻又諸多阻撓，只懂大罵「好心咁嘅工就唔好做啦！」男人心諗「lee份唔做、果份唔做，你養我麼？」

15) 總要拿自己跟路上、螢幕上及前女友比較，硬要男人說誰比較好看

16) 強迫男友要在錢包、手機桌面、Fb大頭照、wtsapp張相…也要換成她的大頭貼或合照。

17) 覺得自己永遠都不會錯，都是他的錯，「你就係要氹我、就我，講對唔住丫！」

18) 郁d就講分手，睇死個對方唔會走！亂掉嘢、搬嘢走、要生要死、仲話「你而家唔負責任喇…」

19) 過份優柔寡斷和扭屎忽花，男友提出咩意見都被band，卻又說不出自己到底想要什麼

20) 成日講人是非，對全世界人都不滿咁款，而且說話尖酸刻薄，仲要男友點頭認同

21) 記仇翻舊帳，一件事會每星期攞出黎講10次，即刻兩件事完全無「啦lung」都要格埋黎一齊鬧。

22) 不滿、不尊重男友的家人。可能是看不起、嫌她們煩、不滿她們不夠錫自己…總之要令男友站在自己那邊，與家人疏離

23) 太痴身，不體諒男人工作時會不便覆短信和電話；一找不到他，就連環發炮和喪問點解點解？

24) 太大女人主義，覺得自己學歷高D、人工高D、品味好D，常用教訓口吻對男友

點呀？係咪似曾相識先？你犯過幾多點呢？有邊幾點你又覺得不合理？講真，我自己有時都忍唔住會犯咗N條啊，因為愛就是會讓人不理智啊~哈哈哈哈~

 

 

 

霸佔人生最多的，除了衣食住行外，就是「愛」，然後「性」！
你不談戀愛，我知道「愛」或許傷過你，那就學習怎樣的「愛」才適合自己！
你不敢談性，請不要忌諱，這比你大小二便更平常；今天你討論也不願，單靠寶貴年歷去取經，或許會更傷到自己！

 

MT Mabel．敢言．兩．性關係．
Facebook專頁：MT Mabel 「讚好」了解我更多~
(https://www.facebook.com/MTmabel)
~ 歡迎提出你想討論的話題，這裡有開放、健康的空間，讓我們一同好好學習 ~

 

Comments

comments

Powered by Facebook Comments