旅行識人好易？異地戀多霧水情緣？

異地情緣聽落好浪漫，大家又會唔會想試下？ZUJI早前做咗個外遊調查，問咗好幾條有關異性嘅問題，旅行點識外國人？外國人有咩好？異地戀work唔work？有無邊個答案你最知呢？

結識異性有好多種途徑，原來唔少人都希望透過旅行識人，根據網上旅行社ZUJI嘅調查，喺599位受訪者當中，有七成人就係咁諗，部分人更有意從中搵另一半。

點解啲人咁想識異地人？原因離不開都係覺得佢哋溫柔體貼同見多識廣，似乎喺好多人嘅心目中，外國嘅月光真係特別圓啲！

遇唔遇到好睇緣份，不過有過半數人都話喺旅行途中識到朋友，似乎唔係無機喎！

咁到底佢哋係點識？無他嘅，有近一半人都係喺坐飛機或者街上問路嘅時候搭訕識到，其實只要肯大膽同人傾下計就已經開到個頭；另外約四成人則係參加Local Tour識，呢個都不失為一個好方法！

但理想還理想，現實歸現實，就算拍到拖都唔代表一定會開花結果，近八成人嘅異地戀喺三年內玩完，維繫唔夠3個月嘅更佔咗33%，睇嚟霧水情緣比較多，當然亦都有人最後結埋婚，大家不妨當作一個參考。

Comments

comments

Powered by Facebook Comments