PUFF.HK 流行食玩樂資訊媒體
點解啲人可以咁有錢成日去旅行？其實錢同「事業線」一樣，都係要唧出嚟，宜家就同大家計吓數，睇吓點樣慳慳埋埋可以飛返轉歐洲！
為咗旅行可以去到幾盡？唔通真係要節衣縮食，死慳死抵先至儲夠錢去到旅行？其實只要忍吓手，剔除一啲非必要嘅高消費項目，平日搭少幾次的士、飲少啲Starbucks，半年儲嘅錢原來已經買到去歐洲嘅機票。
一齊睇吓條數點計：
當你每個月出去食一次貴野，使費約$600，半年慳到$3,600。
每星期搭少幾程的士，$150 X 6，又慳到$3,600。
如果Facial每月約$700，慳返啲錢唔做，儲儲埋埋有$4,200。
一杯Starbucks平均要35蚊，半年唔飲可以節省$5,040。
只要慳到以上其中一項，已經儲到買機票嘅本，其實一年去兩轉旅行都唔係咁難！
另一個慳錢攻略就係要睇準時機，揀啱旅行月份同目的地好重要，因為隨時執到平機票，就好似布拉格咁，11月嘅平均票價只係$4,100；12月去巴塞隆拿，機票平均都係$4,400。
如果budget有限，又唔想儲咁耐錢，可以改去亞洲其他地區，票價平成一大截，胡志明市10月嘅平均票價1千蚊有找；新加坡9月嘅平均票價都只需$1,200，儲落嘅錢足夠去3-5轉。
正計劃外遊嘅朋友，不妨到Skyscanner旅遊搜尋網站check吓價先。
Comments
Powered by Facebook Comments
