PUFF.HK 流行食玩樂資訊媒體
究竟用電話影相可以去到咩境界呢？你又有無善用到每個功能？想要影到大師級嘅相，你就要學識下面呢幾個小Tips啦！COOPH攝影師利用IPhone5S入面不同功能，加上一些生活上嘅小幫手，要做個小小藝術家絕對無難道。
以下7個方法，學到幾多睇你啦！
1.全景模式－分身術
基本上多數電話都加入全景模式，大家可能都比廣告洗腦，以為呢個功能專門用嚟影風景，但除咗可以三百六十度紀錄風景之外，都可以玩下藝術照－分身術。全景圖係從移動中拍攝多張相片，再將所有合併而成。即係話一張全景圖並唔係影低一瞬間嘅景物，而係短時間紀錄一個環境。所以利用呢個原理，可以利用反方向移動嚟做出分身嘅效果。
拍攝者從左至右嘅拍攝方向開始，而你就喺鏡頭影低你之後向反方向移動，盡快跑到下一個位置。來來回回幾次，影完張相就可以見到有幾個你出現咗喺相入面架啦！
而向住拍攝者反方向嘅圍圈跑目的，就係要將你不斷成為全景圖拍攝中嘅下一個目標。如果你識好好善用全景模式，仲洗咩下下都用PS呢！
2.全景模式－街景圖
坐親朋友架車有咩好做？為咗安全駕駛，身為乘客嘅你就盡量唔好令司機分心，但可以做啲咩呢？全景模式又出動了，架車一邊行，你一邊影低沿路街景，效果就好似將條街影低，無論直行定轉彎都能夠平面化欣賞不同風景。
3.放大鏡 – 變焦功能
利用電話嘅變焦功能嚟放大景物好常見，但好多時影完出嚟都會起格仔點點。或者你可以試下用個真嘅放大鏡代替電話嘅變焦功能，放喺鏡頭前面，令目標物直接放大。咁影唔單只冇咗起格仔嘅問題，睇上去偽魚眼嘅感覺添。
4.水滴 – 微距拍攝
相信大家都用過微距拍攝，但你覺得用微距影乜最特別？Cooph攝影師就話昆蟲夠哂出位，但一般昆蟲就算用埋微距影都真係好似粒塵咁細架咋！所以教你加一小滴水喺鏡頭上面，利用水不同嘅密度，改變光線折射，加埋微距功能，影出嚟就好似放喺顯微鏡下面咁。
Comments
Powered by Facebook Comments
