PUFF.HK 流行食玩樂資訊媒體
3D除咗用嚟睇戲外重可以做啲咩呢?大家有留意開的話，其實有種3D打印嘅技術外國用緊架啦！至於成本當然係有番咁上下價碼啦，因此普羅大眾或者少機會去用到，所以今日想介紹啲你日後可能有機會接觸到，將來一大重要行業比大家認識一下。
3D打印運用粉末狀金屬或者塑料等粘合材料，以逐層堆疊累積方式塑造產品嘅初型，但宜家技術慢慢成熟亦有啲公司嘗試直接用3D打印完成產品。
今日介紹比大家知嘅3D打印就不單單只喺小產品上，而係利用3D打印起屋！當然，唔係打印出黎就即刻住到！工程師喺3D模型牆身支柱上面中注入堅固混凝土，而百分之八十嘅材料都係用可分解物料。呢種全新嘅建築技術暫時只有阿姆斯特丹進行緊，工程開始約三個星期左右，已經打印出大概三米高嘅角位。
未來日子將3D打印帶入建築上面不單可以大大減低成本，同時喺有限時間入面起更多屋，一啲比較窮比較缺乏資源嘅地方會係一個唔錯嘅消息。香港建築業愈黎愈少人願意入行，而工人嘅開支亦係樓價上升其中一個好主要原因。或者香港都可以研究一下呢種3D打印可否作為其中一種建築方法去改善人手不足、成本上升等問題。
資料來源:http://metro.co.uk/2014/03/28/bricks-pah-work-begins-on-worlds-first-3d-printed-house-4682213/
Comments
Powered by Facebook Comments
