搖呀搖，搖呀搖，搖到IPAD/IPHONE充好電

你心目中既搖搖椅可能仲停留係好幾十年前婆婆係電視機前坐住搖搖椅既年代，咁樣講到搖搖椅好似上世紀既產物咁…但唔講唔知，原來搖搖椅都好可以好潮同多用途嫁，而呢張搖搖椅就可以比你一路搖，一路幫IPAD/IPHONE充電!

好多時我地都會用智能手機同平板電腦睇電視或打機，但有時候用下用下就會用左一大半電，加上得閒上吓網或者check吓email，消耗既時間往往都係不經意下流逝。而相比起時間，電力消耗好似消失得更快，常常冇注意既時候就會彈出一句「電力低於20％」既警告…被打斷既感覺真係唔好受，所以有呢張搖搖椅就爽啦，可以一路玩一路充電!

其實呢個係蘇黎士既「Micasa Lab」實驗室設計出黎既，佢地推出左一款搖搖充電椅，原理是利用”搖動”作為動力，一小時既搖擺就可以讓iPad充電至35％，所以只要看兩個綜藝節目，你既ipad就可以充電完成（咁iPhone應該會更快）。

而係椅背既部分仲配備左一個25瓦既喇叭，比你係使用iPad既時候就好似置身環繞音響中。其實本身坐係咁舒服既椅子上用iPad既時候就令人好想訓覺嫁啦，加上搖來搖去，可能係訓醒既時候所有電器都充好電啦！

資料來源: http://www.micasa.ch/de/cp.lab-irock

Comments

comments

Powered by Facebook Comments