火車迷必儲！UGEARS木製機械模型

唔少男士都鍾意收藏鐵路、火車等模型，你哋今次有褔了！喺Kickstarter大受好評嘅UGEARS純木製機械模型終於嚟咗香港，大家唔使再望穿秋水。其中一款識得自動行駛嘅「UGEARS 460 火車頭」造工精細，不能錯過！

UGEARS模型由一班嚟自烏克蘭嘅機械及模型愛好者所設計，剛喺Kickstarter推出嘅時候，已經深受大批模型迷歡迎，宜家正式登陸香港！目前為止，一共出咗近二十款UGEARS模型，簡單至首飾盒、保險箱，大型至火車頭、卡車、拖拉機等，選擇繁多。全部配件均以純木製成，唔需要使用膠水或黏合劑，可徒手組裝，即使係初哥抑或小朋友都能夠輕易上手，樂在其中。

當中一款彷經典蒸氣火車設計而成嘅「UGEARS 460 火車頭」更值得大家收藏，造工精細，活靈活現，由引擎、齒輪、活塞，到車轆部分都一絲不苛，火車頭砌好之後，仲識自動行駛至5米遠，有得砌又有得玩！

UGEARS全套模型由YouSee Life港澳獨家總代理，現於網上有售，價錢由HK$199起。

Comments

comments

Powered by Facebook Comments