唔飲唔知咁易醉 邊款媾女酒最易入口？

「斷片酒」Four Loko近期紅到開巷，不單止好味，加上聲稱飲完一罐即刻斷片，搞到一班酒鬼爭住買來挑機，而其實市面上都有一些類似的酒，易入口又容易醉，一不小心當果汁飲多了就中招，女仔不想失身真的咪亂追酒飲！

Four Loko

包裝五顏六色，搞到鬼死咁吸引，而且有多款水果口味，包括檸檬、士多啤梨、桃、西瓜、椰子等等，不講還以為跟jolly shandy無分別，但原來酒精濃度有成12%，飲一罐就等於飲了好幾罐啤酒或好幾杯紅酒，飲完好難無事發生，除非你好飲得！

《東張西望》主持吳幸美，都有在節目上試飲過Four Loko，飲完仲又笑又喊，完全失控，有無咁勁呀？不過就有不少網民笑她好好戲！

Baileys

Baileys味道非常甜，而且有陣奶味，易入口似麥精，好適合女仔飲，不過如果酒量差真的不要飲太多，否則一下子就變醉貓，因為酒精濃度仲勁過Four Loko，有17%，好多男仔都鍾意用Baileys來呃女仔。

Tequila Rose

Tequila Rose同Baileys一樣都是奶酒，甜甜哋，不過就多了士多啤梨味，而且顏色極之吸引，是普遍女仔都會喜歡的粉紅色，十足十士多啤梨奶昔，叫做呃得吓人，但酒精濃度有15%，千祈咪喪飲。

水果味燒酒

韓國人出名喜歡飲燒酒，不只大叔會飲，近年盛行的水果味燒酒，也深受韓國女仔歡迎，易入口之餘，飲完又會有醉意，但始終是燒酒，飲太多一樣會發酒瘋。

梅酒威士忌

威士忌陣味未必個個都受到，不過加埋梅酒就不同講法，除了入口時有微微的梅的香氣，亦帶有甜甜的味道，令很多人一試就愛上，酒精濃度有14%，飲一兩杯仔已經好夠喉。

資料來源：互聯網

Comments

comments

Powered by Facebook Comments