睇盡過百件珍貴水晶球 唔少老過你同我！

今個聖誕，始創中心邀請到3位嚟自唔同國家、享負盛名嘅水晶球收藏家，包括全球公認收藏品最豐富，擁有過萬件飄雪水晶球嘅Andy Zito，喺嚟緊12月1日至明年1月1日舉行嘅「聖誕經典水晶球珍藏展」中，分享逾百件世界各地嘅經典飄雪水晶球，當中有唔少仲係跨越半個世紀，老過你同我！唔睇真係走寶！

為期一個月嘅「聖誕經典水晶球珍藏展」，將於12月1日至明年1月1日，喺始創中心有得睇，屆時會破天荒展出超過140件香港首見嘅經典水晶球珍藏品，展品大部份屬於美國收藏家Andy Zito嘅心頭好，每款都有唔同主題及造型，如聖誕系列、世界地標系列、國際盛事系列、動物及卡通系列等，而且嚟自世界各地並跨越半個世紀，其中古典珍品系列更係超級罕有同珍貴，非常值得一睇！

另外，商場亦搵嚟澳洲水晶球收藏家Lisa Coutts，展出多個聖誕節慶及澳洲地標嘅經典水晶球，而有「飄雪水晶球皇后」之稱嘅Leah Andrews仲會將2016年全球限量版手制飄雪水晶球 “Winter Green”公諸同好，能夠近距離一次過欣賞晒呢啲咁珍貴嘅水晶球，人生真係無幾何，大家又點可以錯過呢？今年，始創中心亦都用埋「水晶球」同「飄雪」做主題，將商場打造成一個夢幻飄雪水晶球國度，當中擺放咗個逾2.5米高嘅巨型飄雪水晶球，大家仲可以走入水晶球裡面，扮成主角影相，非常浪漫！

 

「聖誕經典水晶球珍藏展」
日期：2016年12月1日至2017年1月1日
地點：始創中心地面大堂

Comments

comments

Powered by Facebook Comments