令韓國人為之瘋狂的藍天白雲沙冰！

最近韓國掀起一股尋找藍天白雲嘅熱潮，所指嘅係個個都爭住去飲一款，由當地人氣café推出嘅藍天白雲沙冰，賣相十分吸引，唔怪得之咁多韓國人瘋狂洗板！

一間位於大邱，名叫Blue Blues嘅café，裝修充滿個人特色，藍白色嘅佈置非常清新，好適合一啲文青喺到打躉，而最近因為一款藍天白雲沙冰，更成為唔少韓國人嘅搜尋熱點。

呢款人氣No.1嘅藍天白雲沙冰吸引到唔少當地人慕名而來，藍色沙冰配上由白色乳酪造成嘅雲朵，創意十足，賣相非常討人歡喜，齋望已經心情靚晒，所有悶氣彷彿一掃而空，就算天氣不似預期，都可以為自己製造「藍天白雲」。

相片來源：Instagram

Comments

comments

Powered by Facebook Comments