鍾意整衫 鄧月平夢想有日開舖

MINISO名創優品喺旺角開設全新分店，日前喺開幕禮上搵嚟鄧月平(Larine)主持揭幕及試做一日店長。而原來年紀小小嘅Larine早已有想創業嘅計劃，希望有朝一日可以擁有自己嘅舖頭。

走簡約親民路線嘅MINISO名創優品，近日喺旺角登打士街迎接第52間分店開張。開幕禮當日，除咗邀請咗鄧月平擔任嘉賓之外，最難得係品牌創辦人兼首席設計師三宅順也先生亦都喺百忙之中抽空出席。

活動以「夏日祭」揭開序幕，著上日本傳統浴衣嘅Larine聯同巡遊隊伍及日式大轎，喺旺角行人專用區載歌載舞，場面浩蕩。而類似今次咁大型嘅慶典，Larine都係首次參與，所以感到非常興奮。

MINISO名創優品嘅產品一向多元化，實用而且價格相宜。提到家中嘅佈置，Larine表明家居最緊要乾淨企理，而佢自己本身特別喜愛白、灰、藍、綠等顏色，所以會將呢啲顏色嘅物件擺滿成間屋，同時亦都好鍾意喺床上放滿公仔，當中有唔少就係喺MINISO搜羅返嚟。

另外，喺活動中，Larine亦體驗咗做一日店長嘅滋味，介紹店內產品嘅時候，頭頭是道。問到佢如果有機會嘅話，會想開邊類型舖頭？佢就表示：「會想開服裝店，因為鍾意Fashion，平時都有整開衫嘅習慣，所以呢個都係我其中一個嘅夢想，宜家plan緊，不過年紀太細，儲多幾年錢先，但呢件事會係我人生必做清單嘅其中一項。」

MINISO名創優品旺角登打士街分店
地址：九龍旺角彌敦道580A 號周大福商業中心地下5-6號舖 (潮流特區入口旁)

Comments

comments

Powered by Facebook Comments