星街小區賞你食BOOZEicle酒香雪條

天時暑熱，歎返條雪條，的確透心涼！星街小區由今日起推出一連串cool down活動，除咗免費請大家食酒香雪條之外，每隔個星期都會有唔同嘅消暑獎賞，陪大家一齊擊退炎夏！

由30/7至20/8期間，星街小區會舉行「Beat the Summer Heat!」活動，共分為三個階段，隔個禮拜送上唔同嘅獎賞禮遇，率先登場嘅有“BOOZEicle”酒香雪條盛宴。

30號當日，嚟到星街小區嘅雪條車，只要喺facebook share指定帖文及tag 3位朋友，即可品嚐到「葡萄柚蜂蜜威士忌」或「羅勒檸檬馬天尼」口味嘅“BOOZEicle”酒香雪條，另有士多啤梨或芒果味嘅果香雪條可選擇，大人細路都啱食！

而第二波活動將於8月4日展開，星街小區為大家準備咗降溫小法寶，同樣只須喺facebook share指定帖文及tag 3位朋友，就可得到一枝特色酒味嘅消暑噴霧，可任揀「高貴香檳」、「清新薄荷酒」或「醒神檸檬水」其中一款，喺夏天為肌膚保濕。

至於壓軸大賞則喺8月18日開始，屆時太古廣場三座入口會設置夏日巨型酒櫃，並於特定時間打開，大家從中揀選印有特選餐廳標誌嘅杯子，便可喺小區內相應嘅餐廳領取夏日特飲一杯，將悶熱一掃而空！

“BOOZEicle”酒香雪條盛宴
日期及時間：7月30日（星期日）下午12時至4時
地點： 太古廣場三座，星街，日街，月街及進教圍
禮饌： – 「葡萄柚蜂蜜威士忌」“BOOZEicle”酒香雪條
– 「羅勒檸檬馬天尼」“BOOZEicle”酒香雪條
– 「士多啤梨玫瑰」果香雪條 – 「熱帶芒果」果香雪條

1分鐘清涼時刻
日期及時間： 8月4日（星期五）下午12時30分至2時30分
8月5 – 6日（星期六及日）下午1時至3時
地點： 太古廣場三座入口 (近Elephant Grounds)
禮饌 ：- 「高貴香檳」消暑噴霧
– 「清新薄荷酒」消暑噴霧
– 「醒神檸檬水」消暑噴霧

驚喜時刻終極禮饌
日期及時間： 8月18日（星期五）下午5時至7時
8月19 – 20日（星期六及日）下午1時至3時
地點： 太古廣場三座入口 (近Elephant Grounds)
獎賞項目： 星街小區特選餐廳冰涼夏日特飲一杯
(Beef & Liberty, Classified, Chez Patrick Deli, Masion ES , Moonshine & The Po’s Boys及Kapok)

Comments

comments

Powered by Facebook Comments