Beoplay秋冬系列 遊走日與夜

有人鍾意白晝，有人鍾意黑夜，一日咁長，你又最享受邊段時間？Beoplay全新秋冬音響系列搵嚟名師設計，以日與夜作為靈感，透過唔同嘅色彩去凸顯一日嘅變化。

Beoplay 2017秋冬系列即將登場，今季一共帶嚟多款唔同類型嘅音響產品，包括便攜式藍牙喇叭、頭戴式及無線入耳式耳機，由兩位大師級人馬Jakob Wagner及Cecilie Manz操刀設計，靈感嚟自秋冬時份，日本富士山至東京一帶嘅晝夜變化。設計師喺產品著色方面花咗唔少心思，以紫丁香色、霧灰色、自然色、棕色及紫羅蘭色去象徵黎明、日間、黃昏及深夜，充分表現出日與夜嘅變化萬千。

Beoplay A1便攜式藍牙揚聲器
喇叭集美觀同實用於一身，新穎嘅圓扁形設計，充滿時尚感，加上體積輕巧，防塵防濺，外攜使用最適合不過。

BeoplayP2便攜式揚聲器
橢圓形嘅外型精緻纖巧，而皮革手提帶更有畫龍點睛之用，喇叭有多種顏色選擇，可以用嚟配襯唔同嘅服飾造型。喇叭內嘅驅動單元亦係防塵防濺，夠晒襟用。

Beoplay H4無線包耳式耳機
耳機貫徹B&O PLAY嘅簡約風格，設計大方俐落，以提供純淨音質為主，為用戶帶嚟真實又震撼嘅Bang & Olufsen Signature Sound體驗。無線設計再加耳罩上嘅3個控制按鈕，操作容易又方便。

Beoplay H5無線入耳式耳機
備有防汗及防塵功能，專為好動嘅音樂愛好者而設，喺運動嘅途中都可以全程投入音樂世界。

以上產品將於8月31日發售，價錢如下：

Beoplay A1便攜式藍牙揚聲器(棕色/紫羅蘭色)　HK$1,998
BeoplayP2便攜式藍牙揚聲器(紫丁香色/自然色/棕色) HK$1,398
Beoplay H4無線包耳式耳機(霧灰色/紫羅蘭色) HK$2,298
Beoplay H5無線入耳式耳機(霧灰色) HK$2,198

Comments

comments

Powered by Facebook Comments