PUFF.HK 流行食玩樂資訊媒體
正值草莓季節，以士多啤梨做主題嘅甜品Buffet，你又點可以放過？韓國士多啤梨出名又甜又大粒，用嚟砌成巨型草莓塔，非常吸引！
今次嘅主角—巨型草莓塔，用上大量韓國原粒草莓砌成，外型超搶眼！香甜嘅士多啤梨大粒又多汁，一定能夠滿足一眾草莓控！
經典甜品心太軟換上新口味，以白朱古力製作，切開外層有半溶化嘅草莓漿流出，散發陣陣馥郁果香。
粉紅色嘅馬卡龍，顏色迷人，以草莓混合法國牛油忌廉製成，中間夾入忌廉及紅桑子，甜中帶酸。
粉紅蛋白紅桑子果撻撻皮香脆鬆化，充滿牛油香味，表面塗上一層紅桑子果醬，內裡裝滿酸甜嘅原粒紅桑子，口味清新。
甜品以外，仲有多款鹹點供應，包括搖擺Shake Shake脆雞、港式鹹甜脆豬包及泰式惹味串燒等。
Shake Shake脆雞配上精心炮製嘅特色醬汁，醬汁包裹住脆卜卜嘅炸雞，酥脆惹味，有蜜糖芥末醬、濃香咖喱醬、美式燒烤醬及薄荷乳酪醬四種口味任揀。
烤至金黃色嘅豬仔包，外脆內軟，現場即叫即做，新鮮熱辣。可配唔同餡料或奶醬，鹹食又得，甜食又得。
泰式串燒同樣係即叫即燒，除咗雞全翼、豬頸肉、豬腩肉等肉類之外，仲有數款蔬菜選擇，可以平衝返油膩感，蘸上自家製嘅泰式甜辣醬及青咖喱汁，滋味無窮。
2+2 cafe 草莓．悠閒下午茶自助餐
供應日期︰由即日起至2018年3月31日
供應時間：星期六、日及公眾假期 15:15 – 17:00
價目︰成人HK$258、小童HK$138
地址：香港沙田白鶴汀街8號帝都酒店3樓
訂座電話：2694 3886
Comments
Powered by Facebook Comments
