最萌狗狗觸控筆

市面上有好多觸控筆可以輔助您更加方便咁使用smart phone/ tablet，但係外型似乎都有d死板或者男性化，一d都買唔落手…唔通就冇一款係比較適合女仔既觸控筆啦咩？

日本設計師治田將之和青木亮就因為呢個原因，為左令觸控筆睇起更加KAWAII，於是就共同設計出「Touch Dog」狗狗觸控筆。「Touch Dog」其實就係一款擁有超Q狗狗外型，而且男女適用又好實用既觸控筆。佢既可愛真係恰到好處，男仔用既話完全冇突兀感，同時又唔會過於花俏，而且仲有唔少小巧思係裡面。

 

 

「Touch Dog」圓圓既鼻子就係用黎觸控既部份，而造型就有分成有短短既黃金獵犬同長長既臘腸狗，符合左唔同使用者習慣既需求，尤其長度比例誇張既臘腸狗造型真係超得意！ (本人係十分鍾意短腳臘腸狗，次次見到佢地都會情不自禁地暗暗歡喜XDD呢款「Touch Dog」就真係為我而設XDD)

 

有時候，我最怕就係要係個袋到搵體積唔大既觸控筆，一唔小心就好容易將佢整唔見(如果唔見左臘腸狗狗觸控筆我會好傷心T^T)，既然係咁，咁就快d幫心愛既狗狗戴上項圈綁好繩索插係耳機孔裡面。而且可拆卸既項圈係使用時只需將觸控筆本體拎落黎，唔需要將耳機塞拎出拎入，可以有效咁降低斷裂既機率。

 

 

長長既臘腸狗仲可以用黎放置手機，雖然冇辦法可以當做立架使用，但係可以減少桌面與背蓋既摩擦，而且對喇叭孔係背後既手機黎講都係一大福音啊~

 

 

只可惜呢隻質感與外型兼具既Touch Dog仲未由台灣既代理商進口，如果對吒兩隻可愛既狗狗觸控筆有興趣的人們可以到下面睇更多資訊。

 

資料來源:http://www.assiston.co.jp/?item=2275

Comments

comments

Powered by Facebook Comments