機場瞓覺都可以好舒服

 

唔知大家有冇試過因為等飛機而被困機場，如果咁啱多人可能要坐地下添。喺呢個時候，有張凳坐吓就好啦!但如果有埋床比你瞓一陣你，又會唔會試吓呢？Resmo嘅折疊床可能比普通嘅一張凳更舒服!

Resmo嘅設計師Ko Chien-Hui設計咗一款便攜式折疊床，由11塊軟墊組成，可隨意折疊、物料輕、便利收納，重拎埋2013紅點設計概念大獎。呢個設計就係為左一班喺機場等飛機嘅人而設的，設計師發現有不少人喺等飛機嘅時候，機場無足夠嘅設施比大家休息，有人更要直接喺地下瞓覺。所以有感而發，做出一款便攜式折疊床，唔知未來有無航空公司願意為乘客提供折疊床呢？

11塊軟墊採用咗瑜伽墊，比起直接坐喺地板上舒服得多，就算冇枕頭都唔怕塊墊會硬過頭。平放打開最大果四塊軟墊，再將頂部軟墊折成一個菱角，你就可以舒服地小休一下。當然，你亦可以將尾部軟墊屈起，折成一張凳，睇吓書、玩吓電話。

平時屋企嚟多幾個人就唔夠凳比客人坐，都真係幾唔好意思架，但比折凳客人坐又唔舒服喎!如果有幾張呢啲折疊床當椅用就冇問題啦，唔用嘅時候又唔阻地方，比起折凳更時尚、舒適，一舉兩得。

 

 

資料來源:http://www.red-dot.sg/en/online-exhibition/concept/?code=1090&y=2013&c=24&a=0?code=1090&y=2013&c=24&a=0?code=1090&y=2013&c=24&a=0?code=1090&y=2013&c=24&a=0

Comments

comments

Powered by Facebook Comments