木頭唔木獨

有無朋友鍾情木製品？大部份木製品嘅功夫比較多同需要精準啲，而每一片木頭嘅圖案都各有不同，獨一無二深得大家喜愛。如果你都係木迷，相信Orée公司一系列嘅木製電子產品一定吸深深吸引住你！

當煩緊一埋線纏住哂又或者條線唔夠長要就住嚟用嘅時候，大家就會知道無線技術嘅偉大。不過無線嘅產品對大家黎講都冇咩驚訝之處，但如果一舊木都做到無線，你又點睇呢? Orée公司利用木材、皮革、大理石嘅材料製成鍵盤、無線充電器同觸控板，均可以無線藍芽連接。

 

 

 

 

 

我哋可以用好多唔同嘅軟件去改變電話鍵盤上面嘅字型，但從來都無諗過點樣去改變電腦鍵盤嘅字型，可能由細到大都係睇慣咗就無咩特別要求有新嘅改變。Orée嘅一班設計師就唔認同呢一種墨守成規嘅做法，所以唔只可以決定用咩字型，更可在空白嘅位置加上圖案或文字，想搵一個一模一樣嘅都幾難。

 

 

 

 

 

 

 

 

 

 

 

 

有鍵盤又點會漏咗隻滑鼠呢？但Orée就係唔要隻滑鼠，用咗一塊觸控板代替。呢塊觸控板附有一張刻有數字嘅皮革，放番喺上面又可以當作數字盤使用，十分方便。

 

 

 

 

 

 

 

 

 

但最令人意外嘅是呢一個集藍芽喇叭、免提及無線充電於一身嘅Orée Pebble1。平時電話叉電又怕唔夠長、又怕同其他線打結、電話響又唔方便聽。有咗Pebble1就唔洗怕唔夠線用，只要將電話放上去就能以藍芽叉電，大部份嘅智能電話同平板電腦都可以支援到。如果你嘅電話係IPhone5/5S就麻煩少少，因為蘋果嘅電話無加入Qi技術(用作無線充電)，但只要加番個無線充電套再放上Pebble1便可。

 

 

 

 

 

 

 

 

 

更重要嘅係， Pebble1入面內置咗5W嘅喇叭，加埋個低音反射腔設計，比用耳機聽又有另一番滋味。Pebble1入面有埋咪高峰，叉緊電又好、做緊野又好都唔洗拎起個電話先聽到啦！佢仲有大理石同木材兩款四色比大家揀！

 

 

 

Orée五款產品中，價錢由30-150歐羅，如果你想當禮物咁送比朋友，但又唔知佢鍾意咩設計，Orée都有Gift Card可以買，咁就唔怕揀唔岩心水啦！

 

Ref: http://oreedesign.com/products/oree-touch-slab

https://www.kickstarter.com/projects/oree/oree-pebble-2

Comments

comments

Powered by Facebook Comments