Sphero 2.0精靈球！GO！

相信好多人都睇過寵物小精靈呢套動漫，果陣好多人都諗緊會唔會有個同精靈球差唔多嘅玩具可以過下癮呢？等到今時今日終於有啦！Sphero 2.0呢個波今次就完美實現吓大家嘅夢想！

　.

.

 

 

話就話Sphero 2.0似精靈球，但當然唔可以好似動漫咁將0野收喺入面啦，咁好玩之處喺邊？就係可以用智能裝置（Android or iOS）去控制呢個識發光嘅精靈球走黎走去啦，而有幾好玩就取決於你有幾多個相關Apps！

 

Sphero 2.0比起上一代具有三倍光同兩倍速，秒速更達到200mm，個波本身仲有少少彈跳力同防水，你可以控制個波全方位走動，雖然只可以水平移動，但做到上少少斜同水中漫步相信已經令到好多人興奮啦！玩Apps玩到悶悶哋嘅仲可以試吓自己寫Apps去開發更多唔同玩法架！

 

Sphero 2.0唔單止一定要用RPG Apps去令你玩得開心，冇乜嘢做仲可以自行研發啲新花式去招呼吓親朋戚友，再唔係嘅，玩到熟練之後拎去引吓自己隻寵物開心都得架！（不過咁玩法個波少不免會整花，但引到自己嘅寵物開心乜都值啦！）

 

用黎玩Sphero 2.0嘅Apps有啲仲會有埋reality（擴增實境），令你嘅玩法大大增加，當中殺喪屍嘅一個Apps相信會令唔少人著迷！

 

 

對於用電嘅產品嚟講，最大問題會係電池續航力同埋叉電方法，官方講法係Sphero 2.0叉三個鐘電就可玩足一個鐘，咁睇嚟時間上面大家都會覺得滿意啦！而既然要叉電又點做到防水呢？當然係新技術無線叉電啦！Sphero 2.0跟機有埋無線叉電座，叉電果陣仲有幻彩特效添！同時因為個波係完全密封設計所以可以做到防水、抗震、沖洗同越野都冇問題，不過愛錫玩具之人要留意啦，根據唔同嘅玩法，個波可能會留低唔少花痕同牙印，所以玩還玩，都唔好玩得太過火啦！

 

定價：$1,088Sphero 2.0由即日起於city’super、LOG-ON、Designer Group (DG)、Studio A、Ultimate、JC Shop、Raakee及澳門Original Technology Ltd發售。半透外殼限量版Sphero 2.0 Revealed則於中環ifc Mall、銅鑼灣希慎廣場及九龍塘又一城的Apple Store獨家發售。

查詢：Orbotix: http://www.gosphero.com

 

Comments

comments

Powered by Facebook Comments