【5個月。減50磅】減肥飯堂：譚仔米線

倒數日數：136日

已減磅數：7磅

減肥唔可以當興趣，更加唔係講玩！有個適合你自己的方法就最重要！

好多人話減肥最直接的方法，就係不吃東西！其實這是千錯萬錯的概念，你可能話：「唔係喎！好多明星都係咁減！劉德華、鄭秀文仲唔食飯！」做幕前演員的，他們要常為角色轉變身型（你看黎明最近為拍新戲而極速減磅便知道），要減肥是非常迫切性，可能要在短時間內增、減肥十磅八磅，那麼節食未嘗不是好方法。

沒錯，節食是短時間內見到顯著成績的捷徑方法，長遠下去，除非你一世也吃這樣少的份量，否則「反彈」是遲早的事情。所以懇請各位減肥人士，切記一日三餐必須食足，養成良好的三餐飲食習慣，才是長遠下去的好方法！

今期就開始跟大家分享「減肥好介紹」！當然，食麥包、麥皮係非常有營養，但這樣「口淡淡」的選擇，你又接受到幾多餐？放心，其實有很多平時去慣去熟的食市，都適合減肥人士去的！

今日就介紹「譚仔」這間食米線的食市，對於不少年青人、OL，「譚仔」已經係長期飯堂，但點樣叫先食得最健康？「譚仔」勝在清湯底清淡得來夠鮮味，比其他米線店，未食其米線先見其成碗油，單是湯底已勝一仗！

其次就是配菜方面，艾力首選一定是魚蛋、雞肉、生菜！食店選用的魚蛋是白魚蛋，而非炸魚蛋，這已經健康得多。雞肉亦是白烚的去皮雞肉，比起添了醬油及油炸過的，實在是非常健康！還有減肥人士的好朋友：菜，有丸、有肉、有菜、有米線，這樣你還不滿足嗎？

當然，同一個地方，你要吃得放肆，大可選擇炸醬、炸雞翼、腩肉，一念天堂、一念地獄，各下自行選擇了！

comments

PUFF.HK 流行食玩樂資訊媒體